აშშ-ს სახელმწიფო დეპარტამენტის პასუხი რუსულ ,,იზვესტიას“

მსოფლიო - 21:35, 18 Nov, 2015

2557

ამერიკის შეერთებული შტატების სახელმწიფო დეპარტამენტმა რუსულ მედიასაშუალება ,,იზვესტიას“ ურჩია, ამერიკელი ჩინოვნიკების ,,ფალისფიცირებული“ წერილები გაუგზავნონ ხოლმე შემოწმებისთვის, ვიდრე მას სტატიას მიუძღვნიან.

ამერიკის შეერთებული შტატების საელჩომ მოსკოვში, თავისავე ფეისბუქის გვერდზე გამოაქვეყნა დასკანერებული წერილი, რომელსაც ეყდრნობა გაზეთი ,,იზვესტია“ 17 ნოემბერს გამოქვეყნებულ მასალაში და რომელიც თითქოსდა ამერიკელმა მოხელემ რენდი ბერიმ გაუგზავნა რუს გეი აქტივისტს ნიკოლაი ალექსეევს.

ამერიკელმა დიპლომატებმა ჩაასწორეს ამ წერილში არსებული მრავალრიცხოვანი გრამატიკული და სტილისტური შეცდომები. მათ აგრეთვე გაკვირვება გამოთქვეს, რომ წერილის ავტორი სთავაზობდა რუს გეი აქტივისტს, დაუკავშირდეს საელჩოს წარმომადგენელს ფოსტით, რომელიც დარეგისტრირებულია gmail-ის უფასო მომსახურებაში.

,,პატივცემულო ,,იზვესტია“!

მორიგ შემთხვევაში, როდესაც გამოიყენებთ ფალსიფიცირებულ წერილს, გამოგვიგზავნეთ ჩვენ - მოხარული ვიქნებით, დაგეხმაროთ შეცდომების ჩასწორებაში.

გულწრფელად,

თქვენი სახელმწიფო დეპარტამენტი“

სტატია, რომელზეც რეაგირება მოახდინა ამერიკის საელჩომ, ეძღვნებოდა ლგბტ საზოგადოებას და გაზეთი ამტკიცებდა, რომ ალექსეები აშშ-სგან იღებდა თანხებს რუსეთში დესტაბილიზაციის მოსაწყობად. კერძოდ, სტატიაში მოყვანილია ციტატა, რომელსაც ხელმოწერით ადასტურებს ამერიკელი მოხელე რენდი ბერი, სადაც ის ალექსეევს უხდის მადლობას მიტინგების ორგნიზებისთვის 2015 წლის 1 მაისს უკრაინის წინააღმდეგ რუსეთის აგრესიის შეწყვეტის მხარდასაჭერად.

არც ტექსტის სრული ვერსია და არც მისი ასლი გაზეთში არ გამოქვეყნებულა, თუმცა გაზეთმა მიუთითა, რომ მოცემული წერილი აღმოაჩინეს ჰაკერებმა ალექსეების საფოსტო ყუთში, მას შემდეგ რაც ფოსტა გატეხეს.

სწორედ ამ ჰაკერული დაჯგუფების საიტზე, რომელმაც თავის თავზე აიღო ალექსეევის ფოსტაში შეღწევა, წერილი იქნა სრულად გამოქვეყნებული. სწორედ მის სკანირებულ ვარიანტზე ჩაასწორეს შეცდომები ამერიკლემა დიპლმატებმა.