50 წლის ჰოლივუდის მსახიობმა, “ოქროს გლობუსის“ მფლობელმა ჩარლი შინმა ტელეკომპანია NBC–ის პირდაპირ ეთერში განაცხადა, რომ აივ-დადებითი ვირუსით არის ინფიცირებული.

"მე აქ იმისთვის ვარ, რომ განვაცხადო – მე ვარ აივდადებითი“ – განაცხადა მსახიობმა Today Show-ში.

მისი თქმით, ამ განცხადებით სურს შეაჩეროს უამრავი პუბლიკაცია, რომლითაც მას სხვა ადამიანების ინფიცირებაში ადანაშაულებენ.

ჩარლი შინის თქმით, მას შიდსის დიაგნოზი 4 წლის წინ დაუსვეს და მას შემდეგ დაუცველი სექსუალური ურთიერთობა, მხოლოდ 2 ჯერ ჰქონდა, თუმცა ორივე შემთხვევაშ პარტნიორი მისი დიაგნოზის შესახებ წინასწარ გააფრთხილა.

„შეცდომა დავუშვი, როცა ამის შესახებ რამდენიმე მეგობარს გავუმხილე, რადგან ამის დასამალად რამდენიმე მილიონის გადახდაც მომიწია“ - განაცხადა შინმა.

მისი თქმით, ერთ-ერთმა სექს მუშაკმა ანტივირუსულ პრეპარატებს ფოტოც კი გადაუღო და მისი გამოქვეყნებით ემუქრებოდა.

აღსანიშნავია, რომ რამდენიმე დღის წინ Radar Online-მა მასალა გამოაქვეყნა, რომელშიც საუბარი იყო მამრობითი სქესის მსახიობზე, რომელსაც შიდსი აღმოაჩნდა და რომელიც უახლოეს მომავალში ამას ერთ-ერთ შოუში განაცხადებდა.
გამოქვეყნდა, ერთ-ერთი ანონიმური ქალის ინტერვიუც, რომლის თქმითაც ის დაახლოებით 50 წლის ცნობილ მსახიობს ხვდებოდა, რომელიც შიდსით იყო ინფიცირებული და რომელსაც ძალიან ეშინოდა ამ ინფორმაციის გამჟღავნების, რადგან ხალხს არა როგორც ვარსკვლავი, არამედ როგორც შიდსის მქონე პირი დაამახსოვრდებოდა.

ჩარლი შინი ყოველთვის ეპატაჟური ცხოვრებით ცხოვრობდა, ალკოჰოლისა და ნარკოტიკების სიყვარულითა და სკანდალებით გამოირჩოდა. მისი თქმით, ნარკოტიკებს თავი დაანება, თუმცა სმას ბოლომდე ვერ ელევა.

ის შინი სამჯერ იყო დაქორწინებული და ხუთი შვილის მამაა. შარლი შინი 2010 წელს ყველაზე ძვირადანაზღაურებად სატელევიზიო მსახიობად დასახელდა.

ჩარლი შინი ცნობილია ფილმებით „უმაღლესი ლიგა“ ,„სამი მუშკეტერი“, „ ძალიან საშიში კინო.“ „მაჩეტე კლავს“, „დიდი ქურდობა“, „უოლ სტრიტი“, „მკაცრი ბატალიონი“, „ ოცეული“ და სხვა.

ქეთა მოსიძე