„ჩვენ არ ვაწარმოებთ ომს ცივილიზაციებს შორის, ეს არის ბრძოლა ჯიჰადისტების წინააღმდეგ, რომლებიც საფრთხეს უქმნიან მთელ სამყაროს და არა მხოლოდ საფრანგეთს. ისლამური სახელმწიფოს განადგურება მთელი მსოფლიოს ინტერესებშია " - განაცხადა ფრანსუა ოლანდმა.
მისივე თქმით, ამ თემაზე სასაუბროდ უახლოეს დღეებში აშშ-ისა და რუსეთის პრეზიდენტებთან ბარაკ ობამასა და ვლადიმერ პუტინთან შეხვედრასაც გეგმავს.
გუშინ გავრცელებული ინფორმაციით, პარიზში მოულოდნელად შეერთებული შტატების სახელმწიფო მდივანი ჩავიდა. ჯონ კერიმ პარიზში ამერიკის საელჩო საფრანგეთის დროშის ფერებში გაანათა.
„გავაგრძელებთ ბრძოლას "ისლამური სახელმწიფოსა" და მათ წინააღმდეგ, ვინც ამ იდეოლოგიას იზიარებს. არასდროს მივცემთ მკვლელებს იმის საშუალებას, რომ თავის ძალადობრივ მიზნებს მიაღწიონ და დავეხმარებით ყველას, ვისაც ამ საშინელებისგან საფრთხე ემუქრება“ - განაცხადა ჯონ კერიმ.
მასალის გამოყენების პირობები






