ბელგიის პოლიცია სამი პირის დაკავების შესახებ იტყობინება. მათი თქმით აღნიშნული პირები პარიზში განხორციელებულ ტერაქტთან არიან დაკავშირებულნი, რომელმაც უკანასკნელი ოფიციალური მონაცემებით 129 ადამიანის სიცოცხლე იმსხვერპლა. ბელგიაში ეჭვმიტანილების ძებნა მას შემეგ დაიწყეს, რაც ბატაკლანის საკონცერტო დარბაზთან, აღმოჩენილი იქნა მიტოვებული ავტომობილი ბელგიური ნომრებით.

უფრო ადრე საფრანგეთის პოლიციამ გაავრცელა ინფორმაცია, რომ ტერორისტებიდან ერთ-ერთი საფრანგეთის მოქალაქე იყო, ამასთანავე თავდასხმის ერთ-ერთ ადგილზე აღმოჩენილის იქნა სირიული პასპორტიც. საინფორმაიცო საშუალებები თვითმხილვლებზე დაყრდნობით ავრცელებენ ინფორმაციას, რომ ტერორისტებს შორის ერთ-ერთი, სავარაუდოდ, ქალი იყო.

შეგახსენებთ, პარიზში განხორციელებულ 6 კოორდინირებულ ტერაქტს ოფიციალური მონაცემებით 129 ადამიანის სიცოცხლე ემსხვერპლა, 300-ზე მეტი ადამიანი კი დაიჭრა. ტერაქტები საკონცერტო დარბაზ ბატაკლანთან, სტად ე ფრანსთან და პარიზის მე-10 რაიონში მებარე კაფეში განხორციელდა. ქვეყანაში შექმნილი სიტუაციის გამო ფრანსუა ოლანდმა საგანგებო სიტუაცია გამოაცხაა და საფრანგეთის საზღვრები ჩაკეტა. ქვეყანაში უსაფრთხოების გაძლიერებული ზომებია მიღებული.