რომის პაპი: პარიზზე შეტევა მესამე მსოფლიო ომის შემადგენელი ნაწილია

მსოფლიო - 21:12, 15 Nov, 2015

4387

რომის პაპმა ფრანცისკემ დიდი ტკივილი განცადა, როდესაც მიიღო ინფორმაცია პარიზის ტერაქტის შესახებ, რომლის დროსაც სულ მცირე 120 ადამიანი დაიღუპა. ტელეარხ TV-2000-სთან ინტერვიუში რომის პაპმა გამოთქვა ღრმა მწუხარება ,,შეძრწუნებული ვარ, უზომოდ განვიცდი და ვწუხვარ. ძნელია გაითავსიო, რომ ეს ჩაიდინეს ადამიანებმა. მე დღეს ჩემს საყვარელ ფრანგ ხალხთან ერთად ვარ. მე გვერდში ვუდგავარ დაღუპულთა ოჯახებს და ვლოცულობ თითოეულ მათგანზე. ეს არის თავდასხმა მთელს მსოფლიოზე, მთელს კაცობრიობაზე, რომელიც თითოეული ჩვენგანისგან მოითხოვს მტკიცე პასუხს და სოლიდარობას მკვლელობებისა და სიძულვილის ყოველგვარი გამოვლინების გავრცელების წინააღმდეგ“.

ვატიკანის მეთაურმა ხაზი გაუსვა, რომ პარიზზე განხორციელებული შეტევა არის მესამე მსოფლიო ომის შემადგენელი ნაწილი, რომელსაც არანაირი გამართლება არ გააჩნია - არც რელიგიური და არც ადამიანური, ეს უბრალოდ არაადამიანურია.

14 ნოემბერს წმინდა მამამ გაუგზავნა სამძიმრის წერილი პარიზის არქიეპისკოპოსს, კარდინალ ანდრე ვენტრუას. წმინდა საყდარი რომის პაპთან ერთად ყურადღებით ადევნებს ვთალყურს მოვლენების განვითარებას. ვატიკანი მწუხარებას გამოთქვამს პარიზში განხორციელებულ ტერაქტებთან დაკავშირებით და მიიჩნევს, რომ პასუხი ყველა მშვიდობისმოსურნე ადამიანმა უნდა გასცეს.

„შოკირებულები ვართ და რომის პაპტან ერთად კატეგორიულად ვგმობთ ტერორისტული ძალადობასა და სიძულვილი იმ გამოვლინებებს, რომელიც ყველა მშვიდობისმოყვარული ადამიანის წინააღმდეგ არის მიმართული. ეს არის თავხადსხმა მთელს კაცობრიობაზე, რომელიც მოითხოვს გადამწყვეტ პასუხს ყველა ჩვენგანისგან“ - ნათქვამია ვატიკანის განცხადებაში.