ტერორიზმის წინააღმდეგ ერთიანები და ცივსისხლიანები უნდა ვიყოთ- ფრანსუა ოლანდი

მსოფლიო - 14:15, 14 Nov, 2015

1407

პარიზში განხორციელებული ტერაქტების სერიის შემდეგ, შუაღამით საფრანგეთის პრეზიდენტმა ფრანსუა ოლანდმა საფრანგეთის მოსახლეობას საგანგებოდ მიმართა. ფრანსუა ოლანდის თქმით ქვეყანის მთავარი ძალები ტერორისტების გაუვნელყოფისკენ არის მიმართული და პარიზის ყველა უბანში უსაფრთხოების განსაკუთრებული ზომებია მიღებული. ოლანდმა შუაღამის გამოსვლისას საფრანგეთის მოსახლეობას შეატყობინა , რომ ქვეყანაში საგანგებო მდგომარეობა გამოცხადდა და საფრანგეთის საზღვრები ჩაიკეტა.

„ეს არის საშინელი განსაცდელი. ჩვენ კიდევ ერთხელ გვიტევენ. ტერაქტის მსხვერპლთა ოჯახებს უნდა ვაჩვენოთ თანაგრძნობა და სოლიდარობა. მაგრამ ამასთანავე ტერორიზმის წინააღმდეგ ერთიანები და ცივსისხლიანები უნდა ვიყოთ, ტერორიზმის წინაშე საფრანგეთი ძლიერი და ერთიანი უნდა იყოს. ტერორისტებს ჩვენი შეშინება სურთ, მაგრამ ერს, რომელმაც იცის როგორ დაიცვას თავი, როგორ გაუკეთოს თავის ძალებს მობილიზება ვერ შეაშინებენ.“- განაცხადა ფრანსუა ოლანდმა. საფრანგეთის ლიდერმა თავისი გამოსვლა საფრანგეთის სადიდებელი მოწოდებით დაასრულა „გაუმარჯოს რესპუბლიკას, გაუმარჯოს საფრანგეთს“.