ეს იყო თავდასხმა ყველა ჩვენგანზე, ამ ტერაქტს პასუხი ყველამ ერთად უნდა გავცეთ

ეს იყო თავდასხმა ყველა ჩვენგანზე, ამ ტერაქტს პასუხი ყველამ ერთად უნდა გავცეთ - ანგელა მერკელი

მსოფლიო - 12:12, 14 Nov, 2015

2084

საფრანგეთში მომხდარ ტერაქტების სერიას მსოფლიო ლიდერები ეხმაურებიან. გერმანიის კანცლერის, ანგელა მერკელის განცხადებით, ეს ტერაქტი მთელ მსოფლიოს ეხება.

"დღეს ჩვენ ყველანი ვგლოვობთ. ვგლოვობთ პარიზის ტერაქტების შედეგად დაღუპულებს. პარიზის მოსახლეობამ ძალადობის კოშმარი, ტერორი და შიში გადაიტანა.ეს უდიდესი ტრაგედია. გერმანია თქვენთან არის და თქვენს ტკივილს იზიარებს.

ყველა დაშავებული მალე გამოჯანმრთელებას ვუსურვებ,

არ შეგვიძლია არ ვიფიქროთ მათზე, რომლებიც გუშინ დაიღუპნენ. ადამიანები, რომლებიც ისვენებდნენ. ცხოვრობდნენ თავისუფალ ქვეყანაში. მათი სიცოცხლე კი, ტერორისტების ტყვიებმა იმსხვერპლა.

ეს არ არის მხოლოდ საფრანგეთის ტერაქტი. ეს ტერაქტი ყველას გვეხება. ამიტომ ამაზე პასუხი ყველამ ერთად უნდა გავცეთ. პირველ რიგში უსაფრთხოების გაძლიერებითა და ტერორისტების წინააღმდეგ ერთობლივი ბრძოლით. ჩვენი პასუხი ტერორისტების მიმართ, ევროპული ღირებულებების დაცვის გაგრძელება იქნება.

ჩვენ ვიცით, რომ სურვილი თავისუფლად ცხოვრების უფრო ძლიერია, ვიდრე ტერორი.

მოდით, ტერორისტებს გამბედაობითა და ჩვენი ღირებულებების დაცვით ვუპასუხოთ" - განაცხადა ანგელა მერკელმა.

შეგახსენებთ, გუშინ, პარიზში განხორციელებულ 6 ტერაქტს 153 ადამიანი ემსხვერპლა.