პარიზის სისხლიან მოვლენებს მსოფლიო ლიდერები გამოეხმაურნენ

მსოფლიო - 11:54, 14 Nov, 2015

1700

საფრანგეთში მომხდარ ტერაქტს მსოფლიო ლიდერები გამოეხმაურნენ.

გაეროს გენერალურმა მდივანმა საფრანგეთში მომხდარ მოვლენებს საშინელი უწოდა და საფრანგეთის ხელისუფლებას და ფრანგ ხალხს, გვერდში დგომის პირობა მისცა.

საფრანგეთში მომხდარ სისხლიან ტერაქტებს ევროკავშირის ლიდერებიც გამოეხმაურნენ.

ფედერიკა მოგერინის განცხადებით, ევროპა ამ საშინელი მოვლენების დროს საფრანგეთის გვერდითაა.

„ ტკივილით და შეშფოთებით ვადევნებ თვალს პარიზის მოვლენებს. ევროპა საფრანგეთთან და ფრანგ ხალხთან ერთადაა“- დაწერა მოგერინიმ ტვიტერზე.

„გაოგნებული ვარ პარიზში მომდარი მოვლენებით. ჩვენი ფიქრები და ლოცვა ფრანგ ხალხთან ერთადაა. ჩვენ ყველაფერს გავაკეთებთ მათ დასახმარებლად“- ტვიტერზე გამოეხმაურა პარიზის მოვლენებს დევიდ კემერონიც.

აღმაშფოთებელი უწოდა პარიზის ტერაქტებს გერმანიის კალცლერმა ანგელა მერკელმაც.

„ჩვენ საფრანგეთის გვერდით ვართ“ - განაცხადა ფრანკ- ვალტერ შტაინმაიერმა. რომელიც ერთ-ერთი აფეთქების დროს ტერაქტის ზონაში , სტად დე ფრანსზე საფრანგეთის პრეზიდენტთან ერთად იმყოფებოდა.

„იტალია თავის ფრანგ ძმებთან ერთად შეეწინააღმდეგება, ბარბაროსულ თავდასხმებს, რომელიც პარიზის და ევროპის წინააღმდეგ განხორციელდა. გულში დაჭრილი ევროპა ბარბაროსებს პასუხს გასცემს“- განაცხადა იტალიიის პრემიერ მინისტრმა მატეო რენციმ ტვიტერზე.