"ალაჰ აკბარს" გაჰყვიროდნენ...ეს ყველაფერი ომს გავდა, ზოგი სისხლისგან იცლებოდა "

"ალაჰ აკბარს" გაჰყვიროდნენ...ეს ყველაფერი ომს გავდა, ზოგი სისხლისგან იცლებოდა " - ტერაქტს გადარჩენილი ქალი

მსოფლიო - 11:22, 14 Nov, 2015

20266

პარიზის ტერაქტს გადარჩენილი ქალბატონი თავდასხმის მომენტს იხსენებს.

"რესტორანში იყო ძალიან ბევრი ხალხი , დაახლოებით 60 ადამიანი ან უფრო მეტი და ძალიან კარგი სიტუაცია. უცებ გაისმა სროლის ხმა. შემოვარდნენ ადამიანები და "ალაჰ აკბარს" გაჰყვიროდნენ. ვხედავდი როგორ ეცემოდნენ ადამიანები ძირს და აღარ ინძრეოდნენ. ეს ყველაფერი ომს გავდა, ზოგი ტიროდა, ზოგი სისხლისგან იცლებოდა. ეს საშინელება ხდებოდა" - განაცხადა რესტორანში მყოფმა 53 წლის ქალმა „ევრონიუსთან“.

შეგახსენებთ, წუხელ საფრანგეთის დედაქალაქში ერთდროულად 6 ტერაქტი მოხდა. შეიარაღებული პირები საკონცერტო დარბაზს, სტადიონსა და რესტორნებს დაესხნენ თავს, რასაც ამჟამინდელი მონაცემებით 153 ადამიანი ემსხვერპლა , დაშავებულია 220-მდე ადამიანი, მათგან 90 მდგომარეობა მძიმეა.

ყველაზე დიდი მსხვერპლი პარიზის ცენტრში ბატაკლანის საკონცერტო დარბაზში მომხდარ თავდასხმას მოჰყვა, სადაც 100 ადამიანი დაიღუპა. ტერორისტები შენობაში ამერიკული როკ ბენდის კონცერტის დროს შეიჭრნენ და მძევვლები აიყვანეს. ანტიტერორისტულმა ძალებმა შენობაზე იერიში მიიტანეს, რა დროსაც ტერორისტების ნაწილმა თავი აიფეთქა, რამდენიმე თავდამსხმელი კი სამართალდამცველებმა მოკლეს და გადარჩენილი მძევლები გაათავისუფლეს.

3 ძლიერი აფეთქება მოხდა პარიზის გარეუბანში, სტადიონთანაც, სადაც საფრანგეთის პრეზიდენტი ფრანსუა ოლანდი და გერმანიის საგარეო საქმეთა მინისტრი, ფრანკ ვალტერ-შტაინმაიერი მეგობრულ მატჩს ესწრებოდნენ. მას შემდეგ, რაც ფრანსუა ოლანდმა სტადიონი დატოვა, მან ქვეყანაში საგანგებო სიტუაცია გამოაცხადა და საზღვრები ჩაკეტა.

პოლიცია პარიზის მოსახლეობას მოუწოდებენ ქუჩაში გამოსვლისგან თავის შეკავებისკენ მოუწოდებს. ქალაქის სხვასხვა რაიონებში გაგზავნილია 2 ათასამდე სამხედრო.

საფრანგეთის პრეზიდენტის განცხადებით , ხელისუფლება დამნაშავეების მიმართ დაუნდობელი იქნება