ბრიტანეთის გვირგვინის მეხუთე მემკვიდრე,31 წლის პრინცი ჰარი, 19 წლის გოგონასგან, რომელთანაც ხანმოკლე რომანი ჰქონდა, შვილს ელოდება.

როგორც გამოცემა OK! უტყობინება, სამეფო ოჯახთან დაახლოებული პირები აცხადებენ, რომ აღნიშნული ინფორმაცია სიმართლეა და დიდი უსიამოვნების მიზეზიც გახდა.

გამოცემის თანახმად, პრინცი ჰარი აცხადებს, რომ თუ მისი მამობა დადასტურდა, ის გოგონას ცოლად შეირთავს. ამ გადაწყვეტილებას კი კატეგორიულად ეწინააღმდეგება დედოფალი ელიზაბეტი. ჰარის პოზიციას მისი ძმა და რძალი - პრინცი უილიამი და ჰერცოგინია ქეით მიდლტონი.

მაისში, ერთ-ერთ ინტერვიუში პრინცმა განაცხადა, რომ ძალიან უნდა ცოლ-შვილი, მაგრამ ჯერ არ იცნობს იმ ქალს, რომელსაც საკუთარ ბედს დაუკავშირებს.

უელსის პრინც ჩარლისა და პრინცესა დიანას უმცროსი ვაჟი, პრინცი ჰარი დაიბადა 1984 წლის 15 სექტემბერს, ლონდონში. სწავლის დასრულების შემდეგ, მან სამხედრო კარიერა აირჩია და საკმაოდ წარმატებულიც გამოდგა. 2012-13 წლებში, 20 თვის განმავლობაში ჰარი ავღანეთშიც იმყოფებოდა. პრინცმა საკუთარი ათწლიანი სამხედრო კარიერა 2015 წლის ივნისშიდაასრულა.

პრინცი ჰარის სასიყვარულო ურთიერთობები მუდამ განხილვის საგანი იყო, თუმცა ამ დრომდე ერთ-ერთი ყველაზე სასურველი პრინცი უცოლოა.

ქეთა მოსიძე