ორმა მკაცრად კონტროლირებადმა რუსულმა ტელეარხმა შემთხვევით საიდუმლო სამხედრო მასალები გააშუქა - ამის შესახებ ინფორმაციას CNN რუსულ სააგენტო „ტასსზე" დაყრდნობით ავრცელებს.

გამოცემის თანახმად , კადრები თავდაცვის საკითხებთან დაკავშირებით გამართულ შეხვედრაზეა დაფიქსირებული, რომელსაც რუსეთის პრეზიდენტი ვლადიმერ პუტინი ხელმძღვანელობდა.
რუსეთის პრეზიდენტის პრესმდივნის დიმიტრი პესკოვის თქმით, ის იმედოვნებს, რომ მსგავსი შემთვხვევა აღარ განმეორდება.

„არ ვიცი გადაიდგა თუ არა შესაბამისი ნაბიჯები „დამნაშავეების“ დასასჯელად, თუმცა სამომავლოდ პრევენციულ ზომებს მივიღებთ, რათა მსგავსი ინციდენტი აღარ განმეორდეს“ - განუცხადა პესკოვმა ჟურანალისტებს.