ჟურნალისტები ვიდეომასალას აქვეყნებენ, რომლის თანახმადაც რუსეთის ავიაციას სირიაში ფოსფორის ბომბებს იყენებს.

აღნიშნულო ფოტო-ვიდეო მასალა ინტერნეტში გუშინ გავრცელდა. ადგილობრივი ჟურნალისტების გარდა, ფოსფორის ბომბების ამსახველი კადრები გერმანული „ბილდის“ ჟურნალისტმა, ჟულიან რეპკემ საკუთარი თვითერის გვერდზეც განათავსა.

ჟურნალისტების მიერ გავრცელებული ფოტო-ვიდეომაასალის თანახმად, დაბომბვამ დასახლებულ პუნქტებში ხანძარი გამოიწვია, ნაპოვნია ასევე რუსული საბრძოლო მასალაც. ჟურნალისტების ცნობით, ბომბები რუსულმა თვითმფრინავმა Ми-24-მა სოფელ ბენინსა დაჰარშაში ჩამოყარა.

გავრცელებული ცნობით, აღნიშნულ ტერიტორიაზე ასადის რეჟიმისადმი ოპოზიციურად განწყობილი ჯგუფები იმყოფებიან, რომლებიც ასევე „ისლამური სახელმწიფოს“ წინააღმდეგ იბრძვიან.

როგორც ცნობილია, დასახლებულ პუნქტებთან სამხედრო მიზნებისთვის ფოსფორის ბომბების გამოყენება საერთაშორისო ხელშეკრულებებით აკრძალულია.