რუმინეთის დედაქალაქის ერთ-ერთ ღამის კლუბში გაჩენილი ხანძრის შედეგად გარდაცვლილთა რიცხვი 51-მდე გაიზარდა.

ამის შესახებ Associated Press.იტყობინება. გამოცემის თანახმად, 31 ოქტომბერს დაშავებულთაგან კიდევ 6 პირი გარდაიცვალა. მათ შორის ერთ-ერთი როკ-ჯგუფის Goodbye to Gravity-ის ბასგიტარისტი, ალექს პასკუა.

მძიმე დამწვრობის გამო, რუმინელმა ექიმებმა მისი პარიზში გადაყვანის გადაწყვეტილება მიიღეს. თუმცა, 33 წლის მუსკოსი მაშინ გარდაიცვალა, როდესაც თვითმფრინავი პარიზში დაეშვა. პასკუ Goodbye to Gravity-ის მესამე გარდაცვლილი წევრია, ცოცხალი მხოლოდ ვოკალისტი, ანდრეი გალუტია. ორი დღის წინ ბენდის დრამერი ბოგდან ენაკეც გარდაიცვალა, რომელიც საოპერაციოდ შვეიცარიაში გადაჰყავდათ, თუმცა გზაში გარდაიცვალა.

გუშინ გარდაიცვალა ასევე 2 მოზარდი, 18 წლის ბიჭი და 19 წლის გოგონა, რომლებიც სამკურნალოდ დიდი ბრიტანეთში იყვნენ გადაყვანილები.

კლუბში დაშავებული 21 ადმიანი ბელგიის, ნიდერლანდების, ავსტრიის, ისრაელისა და გერმანიის საავადმყოფოებში გადაიყვანეს. რუმინეთის ჯანდაცვის სამინისტროს ცნობით, ბუქარესტის საავადმყოფოებში 95 ადამიანი რჩება, მათგან 36 კრიტიკულ მდგომარეობაშია.

ბუქარესტის ერთ-ერთ კლუბში ხანძარი 31 ოქტომბერს, Goodbye to Gravity-ის კონცერტის მიმდინარეობისას, პიროტექნიკის გამოყენების შედეგად, ხანძარი გაჩნდა, რის შედეგადაც კლუბი დაიწვია. ბოლო მონაცემებით, ინციდენტს 45 ადამიანი ემსხვერპლა, ხოლო დაშავდა 400-მდე ადამიანი. როგორც გაირკვა, კლუბს პიროტექნიკის გამოყენების ლიცენზია არ ჰქონდა. კლუბის სამი მფლობელი დაკავებულია. ინციდენტის შემდეგ რუმინეთის ქუჩებში 20 000-მდე აქტივისტი გამოვიდა, რომლებიც პასუხისმგებელი პირების დასჯასა და ხელისუფლების შტოებში არსებულ კორუფციას აპროტესტებდნენ და პრემიერ-მინისტრის გადადგომას ითხოვდნენ. ფართომასშტაბიანი აქციების ფონზე, რუმინეთის პრემიერ-მინისტრმა, ვიქტორ პონტამ თანამდებობა დატოვა.