ბრიტანელებისთვის ყველაზე სახიფათო ქვეყნების სიაში საქართველოც მოხვდა

მსოფლიო - 13:14, 11 Nov, 2015

6562

ეგვიპტეში, რუსული სამგზავრო თვითმფრინავის ავიაკატასტროფის ფონზე, რომელსაც 224 ადამიანი ემსხვერპლა, ტურისტების ნაწილმა მოგზაურობისგან თავს იკავებს.

ბრიტანული გამოცემა The independent „სტატისტას“ მიერ ჩატარებული კვლევის შედეგებს აქვეყნებს. რომლის თანახმადაც საგარეო უწყება იმ 18 ქვეყანას ასახელებს, სადაც ბრიტანეთის მოქალაქეებს მოგზაურობისგან თავშეკავებისკენ მოუწოდებს.

საგარეო უწყების უმთავრესი რჩევა სირიაში მყოფ ბრიტენელებს ეხებათ და მათ , ნებისმიერი პრაქტიკული საშუალებით ქვეყნის სასწრაფო დატოვებისკენ მოუწოდებს, რადგან საომარი ვითარების გამო საგარეო უწყება საკონსულო მომსახურებით ვერ უზრუნველყოფს.

სპეციალურად მომზადებულ რუკაზე ასევე 45 ქვეყანაა აღნიშნული, რომელიც ნაწილობრივ სახიფათო ქვეყნებად ითვლება. ერთ-ერთია ეგვიპტე, სინაის ნახევარკუნძული, სადაც რუსული სამგზავრო თვითმფრინავი ჩამოვარდა.

სახიფათოდ მიიჩნევა რუსეთის გარკვეული ტერიტორია, მათ შორის ის ტერიტორიები, რომლებიც უკრაინისა და საქართველოს საზღვართან, ასევე აზერბაიჯანთან და ჩეჩნეთთან ახლოს მდებარეობს.

ქვეყნები, სადაც ბრიტანეთის საგარეო საქმეთა სამინისტრო მოქალაქეებს მოგზაურობას არ ურჩევს: სირია, ავღანეთი, ბურუნდი, ცენტრალური აფრიკის რესპუბლიკა, ჩადი, კონგოს დემოკრატიული რესპუბლიკა, გვინეა, ერაყი, ლიბია, მავრიტანია, ნიგერი, პალესტინა, სიერა ლეონე, სომალი, ტუნისი, იემენი, სამხრეთ სუდანი.

ქვყნები, რომლების ნაწილში ბრიტანეთის საგარეო საქმეთა სამინისტრო მოქალაქეებს მოგზაურობას არ ურჩევს: ალჟირი, ანგოლა, სომხეთი, აზერბაიჯანი, ბანგლადეშ, ბურკინა ფასო, ბირმა, კამბოჯა, კამერუნი, კოლუმბია, ჯიბუტი, ეკვადორი, ეგვიპტე, ერითრეა, ეთიოპია, საქართველო, ჰაიტი, ინდოეთი, ირანი, ისრაელი, იაპონია, იორდანია, კენია, კოსოვო, ლიბანი, მადაგასკარი, მალაიზია, მალი, ნეპალი, ნიგერია, პაკისტანი, ფილიპინები, კონგოს რესპუბლიკა, რუსეთი, საუდის არაბეთი, სუდანი, ტაჯიკეთი, ტაილანდი, თურქეთი, უგანდა, უკრაინა, ვენესუელა, დასავლეთ საჰარა.