რუსეთი სირიაში იმ შეცდომებს ითვალისწინებს, რომლებიც საქართველოში შეჭრისას დაუშვა

რუსეთი სირიაში იმ შეცდომებს ითვალისწინებს, რომლებიც საქართველოში შეჭრისას დაუშვა - ობამას თანაშემწე

მსოფლიო - 13:34, 10 Nov, 2015

3435

ამერიკის შეერთებული შტატების პრეზიდენტის, ბარაკ ბამას თანაშემწის, სელესტ უოლანდერის განცხადებით, სირიაში, რუსული ავიაიერიშების სამიზნედ ისეთ რაიონებს არჩევს, რომლებიც „ისლამური სახელმწიფოს“ კოტროლქვეშ არ იმყოფება.

„შემიძლია ვთქვა, მოხდა ისე, რომ რუსეთის საჰაერო დარტყმების ობიქეტი „ისლამური სახელმწიფოა“, მაგრამ უმრავლეს შემთხვევაში, იერიშები ისეთ რაიონებში ხორციელდა, რომლებიც ISIS-ის კონტროლქვეშ არ იმყოფება“ - განაცხადა უოლანდერმა „მედუზასთან“ ინტერვიუში.

აშშ-ის პრეზიდენტის თანაშემწემ აღნიშნა, რომ აშშ მზად არის ძალების გაერთიანებაზე, იმ შემთხვევაში, თუ დაინახავენ, რომ რუსეთი ნამდვილად აპირებს „ისლამური სახელმწიფოს“ წინააღმდეგ ბრძოლას.

„აქამდე ჩვენ ასეთი გულწრფელი განზრახვა არ გვინახავს“- დასძინა უოლანდერმა.

უოლანდერმა, ყირიმსა და სირიაში რუსეთის სამხედრო მოქმედებებზეც ისაუბრა.

ჟურნალისტის შეკითვხაზე, რას ფიქრობს იმასთან დაკავშირებით, რომ ოპერაციები ყირიმსა და სირიაში იმის დემონსტრაციაა, რომ რუსეთს იმ შეცდომებზე სწავლა შეუძლია, რომელიც 2008 წელს საქართველოში დაუშვა, უოლანდერმა უპასუხა, რომ ეს სავსებით სიმართლეა.

"რა თქმა უნდა სირიაში რუსეთმა შეიარაღებული ძალების ახალი შესაძლებლობები აჩვენა. მე არ შემიძლია კონკრეტული მაგალითების მოყვანა, თუმცა ნამდვილად დარწმუნებულები ვართ, რომ რუსეთს ტაქტიკური თვალსაზრისით ძალიან რთული ოპერაციების ჩატარება შეუძლია და ის გაკვეთილი, რომელიც 2008 წელს საქართველოში შეჭრით მიიღო, გათვალისწინებულია. რუსეთს ახლა ძალიან ეფექტიური შეიარაღებული ძალები ჰყავს და სირიაში დაშვებული შეცდომები არა შეიარაღებული ძალების ბრძოლისუუნარობას, არამედ პოლიტიკას უკავშირდება. ეს არის პოლიტიკური შეცდომები“ - განაცხადა აშშ-ის პრეზიდენტის თანაშემწემ

მისი თქმით, მიუხედავად იმისა, რომ რუსეთი ნატოს პირდაპირი მტერი არ არის, ალიანსი წევრი ქვეყნების უსაფრთხოების დასაცავდ ყველა ზომას მიიღებს. მისი თქმით, 2014 წლიდან ნატომ, ურთიერთმოქმედების გაძლიერებისკენ მიმართული სწავლების სერია ჩაატარა.

კითხვაზე, თუ რატომ არ ჰქონდა იგივე რეაგირება 6 წლის წინ, რუსეთის მიერ საქართველოში ინტერვენციამ, უოლანდერმა განაცხადა, რომ რუსეთი საქართველოს იმ რაიონებში შეიჭრა, სადაც რუსული ჯარები იმყოფებოდნენ.

"რუსეთის საქართველოში ინტერვენციამ დაარღვია ევროპაში უსაფრთხოების შესახებ უამრავი შეთანხმება და გაეროს ქარტია. ამის შესახებ ჩვენ მაშინვე განვაცხადეთ. ჩემი მოსაზრებით, განსხვავება იმაშია, რომ 2008 წელს რუსეთი საქართველოს იმ რაიონებში შეიჭრა, სადაც უკვე იმყოფებოდნენ რუსული ჯარები (მშვიდობისმყოფელთა სახით). ეს არ ნიშნავს, რომ ინტერვენცია დაშვებული იყო, თუმცა რუსეთის ხელმძღვანელობა ფიქრობდა, რომ ეს შერჩებოდა. დონბასში კი, რუსული ჯარები არ იყვნენ.

შეიძლება ითქვას, რომ უკრაინის აღმოსავლეთში განვითარებულ მოვლენებს, საქართველოში ინტერვენცია უსწრებდა წინ. თუმცა შედეგების თვალსაზრისით, დონბასი გაცილებით უფრო სარისკო ოპერაცია იყო. მოვლენები უკრაინასა და სირიაში გვიჩვენებს, რომ რუსეთი მზად არის, სამხედრო ძალა უფრო და უფრო სარისკო ოპერაციებში გამოიყენოს" - განაცხადა ბარაკ ობამას თანაშემწემ.