რუსულ თვითმფრინავში ბომბი შესაძლოა შარმ-ელ-შეიხის აეროპორტში მოათავსეს

რუსულ თვითმფრინავში ბომბი შესაძლოა შარმ-ელ-შეიხის აეროპორტში მოათავსეს - ბრიტანეთის სპეცსამსახური

მსოფლიო - 12:03, 06 Nov, 2015

3101

დიდი ბრიტანეთის სპეცსამსახურის ვარაუდით, ეგვიპტში, სინაის ნახევარკუნძულზე ჩამოვარდნილი რუსული სამგზავრო ლაინერის - A321-ის ბორტზე ბომბი აფრენამდე, შარმ-ელ-შეიხის აეროპორტში მოათავსეს.

ამის შესახებ ინფორმაციას „ბიბისი“ ავრცელებს. გამოცემის თანახმად, ექსპერტები მიიჩნევენ, რომ ასაფეთქებელი მოწყობილობობა თვითმფრინავის საბარგულის განყოფილებაში იყო მოთავსებული. უსაფრთხოების საკითხებში „ბიბისის“ კოსერპოდენტის, ფრენკ გარდნერის განცხადებით, აღსანიშნავია ისიც, რომ ბრიტანეთის ხელისუფლება არც ტექნიკური პრობლემების არსებობის ვერსიაც გამორიცხავს.

თვითმფრინავის აფეთქების ვერსიას ემხრობა ბრიტანეთის პრემიერი, დევიდ კემერონიც და აღნიშნავს , რომ ყველაზე "რეალურ ვერსიას" წარმოადგნეს.

ამავდროულად, ბრიტანეთმა შარმ ელ-შეიხის მიმართულებით ყველა რეისი გააუქმა.

შეგახსენებთ, რუსული ავიაკომპანია "კოგალიმავიას" ლაინერი Airbus А-321 ეგვიპტის ტერიტორიაზე, სინაის ნახევარკუნძულზე 31 ოქტომბერს ჩამოვარდა.

თვითმფრინავი აფრენიდან დაახლოებით 23 წუთში რადარებიდან გაუჩინარდა. ლაინერი შარმ ელ-შეიხი-სანკტ-პეტერბურგის რეისს ასრულებდა.

ავიაკატასტორისას ბორტზე 224 ადამიანი - 217 მგზავრი, მათ შორის 17 ბავშვი და ეკიპაჟის 7 წევრი იმყოფებოდა. ყველა მათგანი დაიღუპა.

ავიაკატასტროფის მიზეზები ჯერჯერობით უცნობია. ერთ-ერთი ვერსიის თანახმად თვითმფრინავი ტერორისტების სამიზნე გახდა. არსებობს ვარაუდი ტექნიკური გაუმართაობის შესახებაც. კიდევ ერთი ვერსიის თანახმად, თვითმფრინავი ჩამოვარდნამდე ჰაერში დაიშალ, რაც შესაძლოა გარე ეფექტების ზემოქმედებით ყოფილიყო გამოწვეული.

ბორტზე ბომბის არსებობის შესაძლებლობა არ გამორიცხა, არც აშშ-ის პრეზიდენტმა ბარაკ ობამამ.