რუსული ლაინერის მორიგი ინციდენტი - "პულკოვოს" აეროპორტიდან მგზავრების ევაკუაცია განხორციელდა

მსოფლიო - 16:49, 05 Nov, 2015

6284

სანკტ-პეტერბურგში, „პულკოვოს“ აეროპორტში რუსული ავიაკომპანია "კოგალიმავიას" (რომლის ერთ-ერთმა თვითმფრინავმაც ეგვიპტეში კატასტროფა განიცადა) ლაინერიდან მგზავრების ევაკუაცია განხორციელდა. მიზეზი კი შასის ღერძის დაზიანება გახდა. თვითმფრინავი სანკტ-პეტერბური - შარმ-ელ შეიხის რეისისს ასრულებდა. ევაკუაციის

„პულკოვოს“ საზოგადოებასთან ურთიერთობის სამსახურის წარმომადგენლის განცხადებით, ინციდენტი აფრენის წინ მოხდა. ბორტზე მყოფი ყველა მგზავრის ევაკუაცია უვნებლად განხორციელდა. მისივე თქმით, მგზავრები აეროპორტის კომპლექსში არიან მოთავსებულები, ინციდენტთან დაკავშირებით კი გამოძიება დაწყებულია.

შეგახსენებთ, რუსული ავიაკომპანია "კოგალიმავიას" ლაინერი Airbus А-321 ეგვიპტის ტერიტორიაზე, სინაის ნახევარკუნძულზე 31 ოქტომბერს ჩამოვარდა.

თვითმფრინავი აფრენიდან დაახლოებით 23 წუთში რადარებიდან გაუჩინარდა. ლაინერი შარმ ელ-შეიხი-სანკტ-პეტერბურგის რეისს ასრულებდა.

ავიაკატასტორისას ბორტზე 224 ადამიანი - 217 მგზავრი, მათ შორის 17 ბავშვი და ეკიპაჟის 7 წევრი იმყოფებოდა. ყველა მათგანი დაიღუპა.

კატასტროფის მიზეზები ჯერჯერობით უცნობია. ერთ-ერთი ვერსიის თანახმად თვითმფრინავი ტერორისტების სამიზნე გახდა. არსებობს ვარაუდი ტექნიკური გაუმართაობის შესახებაც. კიდევ ერთი ვერსიის თანახმად, თვითმფრინავი ჩამოვარდნამდე ჰაერში დაიშალა.