სამხრეთ სუდანში ჩამოვარდნილი რუსული თვითმფრინავის ბორტზე 50 ადამიანი იმყოფებოდა (ფოტოკოლაჟი)

მსოფლიო - 16:23, 04 Nov, 2015

3436

სამხრეთ სუდანში რუსული წარმოების სატრანსპორტო თვითმფრინავის Ан-12 - ის ბორტზე, ავიაკატასტროფის დროს 50 ადამიანი იმყოფებოდა. ამის შესახებ ინფორმაციას ადგილობრივი გამოცემა South Sudan Tribune-ი ავრცელებს. განსხვავებულ ვერსიას აჟღერებს ქვეყნის ქვეყნის პრეზიდენტი ატენი ვეკ ატენი. მისი თქმით, ბორტზე
18 ადამიანი იმყოფებოდა, მათგან მხოლოდ 3 გადარჩა, 15 კი დაიღუპა. დაღუპულთა შორის 5 ეროვნებით სომეხი და ერთი რუსია.

მისივე თქმით, თვითმფრინავი ადგილობრივ ავიაკომპანია - Allied Services Limited -ს ეკუთვნის.

ავიაკატასტროფა დედაქალაქ ჯუბას სამხრეთით მოხდა. თვითმფრინავი, ჯუბას აეროპორტიდან აფრენიდან მალევე, 800 მეტრის სიმაღლიდან ჩამოვარდა

განსხვავებული ინფორმაცია ვრცელდება მსხვერპლთან დაკავშირებით. ადგილობრივი მედიასაშუალება Eva Radio Juba-ს ინფორმაციით, ავიაკატასტროფისას ბორტზე 50 ადამიანი იმყოფებოდა და მათგამ 40 დაიღუპა. ავიაკატატსტროფას არა მხოლოდ ბორტზე მყოფი ადამიანები, არამედ მშვიდობიანი მოსახლეებიც შეეწირა, რომელთა სახლებაც თვითმფრინავი დაეცა. South Sudan Tribune -ის ცნობით კი, ბორტზე სულ 12 ადამიანი იმყოფებოდა, მათგან 10 ადგილზე დაიღუპა. 2 ადამიანი კი გადარჩა.

კატასტროფის მიზეზები ჯერჯერობით უცნობია. წინასწარი ვარაუდით, შემთხვევა თვითმფრინავის გაუმართაობამ გამოიწვია.