ჩინეთისა და ტაივანის ლიდერები, 66 წლის შემდეგ პირველად ერთმანეთს შეხვდებიან. 1949 წლის შემდეგ პირველ შეხვედრას მა ინძიუ და სი ძინპინი 7ნოემბერს გამართავენ. ლიდერები ორმხრივი ურთიერთობის შესახებ ისაუბრებენ, თუმცა არ იგეგმება არავითარი დოკუმენტებისა და ხელშეკრულებების ხელმოწერა. ასევე, არ იგეგმება ერთობლივი განცხადებების გაკეთება.

მა ინძიუს ოფიციალური წარმომადგენლის განცხადებით, მოლაპარაკებები არსებული სტატუს კვოს შენარჩუნებას შეეხება. ოფიციალურ ჩინეთი კი განმარტებას ჯერჯერობით არ აკეთებს.

ჩინეთი ტაივანს საკუთარ ტერიტორიად მიიჩნევს, მაშინ როცა კუნძულის პოლიტიკური ძალები პეკინისგან დამოუკიდებლობას უჭერენ მხარს.