მისივე თქმით, თუ ბენდუქიძე არ გამოასწორებს უნივერსიტეტში არსებულ ხარვეზებს და არ შეცვლის შინაგანაწესს, ამ შემთხვევაში ტექნიკურ უნივერსიტეტში შეიქმნება აგრარული ბაზა, სპეციალურად აგრარული უნივერსიტეტის სტუდენტებისთვის.

როგორც მარგველაშვილმა მთავრობის სხდომი დაწყებამდე განმარტა, თუ აგრარული უნივერსიტეტი ხარვეზებს გამოასწორებს, მას დაუყოვნებლივ აღუდგება ავტორიზაცია:

,,ყოფილა შემთხვევები, როცა რაღაც ხარვეზები იყო გამოსასწორებელი და სხვებმა გამოასწორეს. მაგალითად ერთ-ერთმა სასწავლებელმა ეს სამ-ოთხ დღეში შეძლო. ბუნერივია, ჩვენ ვხედავთ, რომ ეს პროცესი არაა მიმართული ხარვეზის გამოსწორებისკენ, პოლიტიზირება ხდება ბენდუქიძის მსხვერპლად გამოცხადებისთვის. აქ უფრო ხარვეზების გამოსწორებაზე არაა საუბარი, თუ სურს მძევლად ჰყავდეს სტუდენტები და არ შეცვალოს კანონმდებლობის შესაბამისად ყველაფერი, ავიღებთ და ტექნიკურ უნივერსიტეტში შევქმნით იმ ბაზას, უფასოს და ბევრად უკეთესს, სადაც ისწავლიან სტუდენტები," - აცხადებს მარგველაშვილი.

კახა ბენდუქიძის საპასუხო განცხადებით კი, განათლების სამინისტრომ უნდა ნახოს გამოსავალი:

,,იმედია სამინისტრო გადადგამს ნაბიჯს, რომ გამოსავალი გამონახოს, გვაქვს დოკუმენტები, რომელიც სამინისტროს მოეწონება, ავუხსნათ როგორ ვხედავთ ხარვეზების გამოსწორებას. იქნებ ბოლომდე გაუქმების გარეშე, ამ უახლოეს ვადაში საბჭო შეიკრიბოს და გადაწყვეტილება გამოაცხადოს ბათილად,"-აცხადებს კახა ბენდუქიძე.