თალიბებმა მრუშობაში ეჭვმიტანილი 19 წლის ავღანელი გოგო ქვებით ჩაქოლეს. დანაშაულის ამსახველი კადრები "რადიო თავისუფლებამ" გაავრცელა.

გამოცემის თანახმად, ინცინდენტი 25 ოქტომბერს, ქალაქ ფიროზ-კოში მოხდა. გოგონამ სასტიკი სასჯელი იმის გამო დაიმსახურა, რომ 23 წლის საქმროსთან ერთად ოჯახიდან გაიქცა და ფარულად დაქორწინებას აპირებდა.

თალიბებმა განაცხადეს, რომ ქალს საქმროსთან სექსუალური ურთიერთობა ქორწინებამდე ჰქონდა, რის გამოც მას სასიკვდილო განაჩენი გამოუტანეს.