თურქეთში რიგგარეშე საპარლამენტო არჩევნები მიმდინარეობს

მსოფლიო - 16:41, 01 Nov, 2015

1271

თურქეთში რიგგარეშე საპარლამენტო არჩევნები მიმდინარეობს. მას შემდეგ, რაც ივნისში გამართული არჩევნების შედეგად პარლამენტში მოხვედრილმა პარტიებმა ვერ შეძლეს კოალიციის ჩამოყალიბება, პრეზიდენტ ერდოღანის სამართლიანობისა და განვითარების პარტიამ ცდილობს საპარლამენტო უმრავლესობა კვლავ დაიბრუნოს. მიუხედავად იმისა, რომ ივნისში ხმათა ყველაზე დიდი რაოდენობა მოაგროვა, მან ვერ მოიპოვა 50%-ზე მეტი მანდატი. პოლიტიკურმა ძალებმა საკონსტიტუციო ცვლილებას მხარი არ დაუჭირეს, რის შემდეგაც ვადამდელი არჩევნები დაინიშნა. ამჯერად ერდოღანს კონსტიტუციური უმრავლესობის მოპოვება სურს, რის შედეგადაც ის თურქეთს შესთავაზებს საკონსტიტუციო რეფორმას და ქვეყანას საპარლამენტო რესპუბლილკიდან საპრეზიდენტო რესპუბლიკად გადააქცევს. ამისათვის კი რეჟეპ ტაიპ ერდორანის პარტიას 276 მანდატი ესაჭიროება.

აღსანიშნავია, რომ დღეს საარჩევნო უბნებს განსაკუთრებით იცავენ, რაც ქვეყანაში გახშირებული ტერაქტებით არის განპირობებული.

საარჩევნო უბნები ქვეყნის მასშტაბით ადგილობრივი დროით დილის 08:00 საათზე გაიხსნა. საარჩევნო სიებში 56 მილიონი ამომრჩეველია რეგისტრირებული. მათ არჩევანი 16 პოლიტიკურ ძალას შორის უნდა გააკეთონ. ერდოღანის პარტიამ წინა არჩევნებშიც გაიმარჯვა, რომელიც ქვეყანაში 7 ივნისს ჩატარდა, თუმცა საკონსტიტუციო უმრავლესობა ვერ მოიპოვა.