პერზიდენტის პრეს-სამსახურის უფროსი, დიმიტრი პესკოვი აღნიშნავს, რომ მან არ იცის საიდან გაჩნდა აღნიშნული სასმელი პუტინის კაბინეტში და დასძინა, რომ თავად პრეზიდენტს ეს სასმელი არ დაულევია.

პესკოვმა ისიც განაცხადა, რომ კრემლი არ არის ქართული წარმოების სასმელების წინააღმდეგი.

"ჩვენ ეს სასმელი ონიშნკოსთან ექსპერტიზაზე გავგზავნეთ. რატომ არის საქართველო აღნიშნული სასმელის შემომტანი გაურკვევლია", - ამბობს პესკოვი.

ორი დღის წინ პუტინი ანქვაბს ხვდებოდა, შეკრებილმა ჟურნალისტებმა კი აღნიშნეს, რომ ეს უკანასკნელი ქართული წარმოების სასმელს არავითარ შემთხვევაში არ დალევდა.

"იზვესტია" იუწყება, რომ მათ კომენტარის გაკეთება პროდუქტის შემომტანს სთხოვეს და აღნიშნავს, რომ კავკასიური აქცენტის მქონე პირმა ინკოგნიტოდ დარჩენა არჩია და დასძინა, რომ ქართული წარმოების კოკა-კოლა რუსეთის ფედერაციაში, მხოლოდ მინის ქილებში ჩამოსხმული შედის.

"ჩვენ არავითარ კანონს არ ვარღვევთ. ქართული წარმოების კოკა-კოლა რუსეთის ფედერაციის ტერიტორიაზე არ აუკრძალიათ", - აღნიშნავს მწარმოებელი.

შეგახსენებთ, რომ მომავალ კვირას, რუსეთის ფედერაციას ქართული დელეგაცია სტუმრობს, აღნიშნულ ქვეყანაში ქართული წარმოების პროდუქციის ექსპორტთან დაკავშირებით.