,,სალამი პიტერ, მშვიდობით ეგვიპტე. ჩვენ სახლში მივფრინავთ...“ («Привет Питер, прощай, Египет. Мы летим домой».) - ფოტო ამ სტატუსით, თვითმფრინავის Airbus A321 ბორტზე აფრენამდე, ერთ-ერთმა მგზავრმა გადაიღო. ფოტოზე სავარაუდოდ მისი მეუღლე და შვილია აღბეჭდილი. ეს ფოტო უკანასკნელი აღმოჩნდა.

რუსული ავიაკომპანია "კოგალიმავიას" ლაინერი Airbus А-321 ეგვიპტის ტერიტორიაზე ჩამოვარდა. ავიაკატასტორის მომენტში ბორტზე 224 ადამიანი - 217 მგზავრი და ეკიპაჟის 7 წევრი იმყოფებოდა. მგზავრთა შორის 17 ბავშვია. ყველა მათგანი რუსეთის მოქალაქეა. "ასოშიეითედ პრესის" ინფორმაციით, რუსული სამგზავრო თვითმფრინავის ჩამოვარდნის შედეგად ბორტზე მყოფი ყველა ადამიანი დაიღუპა.