ეგვიპტეში ჩამოვარდნილი რუსული სამგზავრო თვითმფრინავიდან გადარჩენილთა ხმა ისმოდა

მსოფლიო - 15:36, 31 Oct, 2015

28897

სააგენტო "როიტერი" ეგვიპტეში, რუსული სამგზავრო თვითმფრინავის ჩამოვარდნის შესახებ დამატებით ინფორმაციას ავრცელებს.
გამოცემის ცნობით, სინაის ნახევარკუნძულზე, პროვინცია ჩრდილო სინაის მთიან რაიონში სადაც ბოინგი ჩამოვარდა, ადგილზე მომუშავე მაშველებს მგზავრების ხმა მოესმათ.
ადგილზე მობილიზებულია სამაშველო თვითმფრინავები, სამაშველო ბრიგადები და სასწრაფო დახმარების მანქანები. მაშველბი კი თვითმფრინავის იმ სექციაში შესვლას ცდილობს, საიდანაც მგზავრთა ხმა ისმოდა. რაც შეეხება გარდაცვლილთა რაოდენობას, ამის თქმა დანამდვილებით შეუძლებელია, გავრცელებული ინფორმაციით, კატარსტროფის ადგილას მაშველებმა 100 ადამიანის ცხედარი ამოიყვანეს.

"ჩვენ იმედი გვაქვს, რომ მგზავრების ნაწილი ცოცხალია და ვცდილობთ ისინი გადარჩენილი სექციიდან გამოვიყვანოთ" - აცხადებს ერთ-ერთი სამაშველო ჯგუფის წევრი სააგენტო "როიტერთან".

მედიის ინფორმაციით, რუსული სამაშველო სამსახურების 3 თვითმფრინავი შემთხვევის ადგილზე გასაფრენად უკვე მზად არის. სამაშველო ჯგუფები "ცენტროსპასი" და საგანგებო სიტუაციათა სამინისტროს სპეციალური დანიშნულების რაზმი სამძებრო სამუშაოებში ჩაერთვებიან.

რუსული ავიაკომპანია "კოგალიმავიას" ლაინერი Airbus А-321 ეგვიპტის ტერიტორიაზე ჩამოვარდა. ავიაკატასტორის მომენტში ბორტზე 224 ადამიანი - 217 მგზავრი და ეკიპაჟის 7 წევრი იმყოფებოდა. მგზავრთა შორის 17 ბავშვია. ყველა მათგანი რუსეთის მოქალაქეა.