ორი "აუდის" მარკის ავტომანქანა, რომლებიც ერთ ზოლზე მოძრაობდნენ, ერთმანეთს შეეჯახნენ, რის შემდეგაც ერთ-ერთი "აუდის" მძღოლმა დაამუხრუჭა, თუმცა, საჭის დამორჩილება ვერ შეძლო, მოცურდა და საპირისპირო ზოლზე გადასვლის შემდეგ საწინააღმდეგო მიმართულებით მოძრავ "ოპელის" მარკის კერძო ტაქსს შეეჯახა. შეჯახება იმდენად ძლიერი აღმოჩნდა, რომ ორივე მანქანა ტროტუართან მდებარე შემაკავებელ ბოძებს შეასკდა.

ავარიის შედეგად სამი ადამიანი დაშავდა, მათგან მძიმეა "ოპელის" მარკის ავტომანქანის მძღოლის მდგომარეობა. "აუდის" მგზავრები შედარებით მცირე დაზიანებებით გადარჩნენ.

ამ წუთებში გამზირზე ავტომანქანების მოძრაობა პარალიზებულია, ავარიის ადგილზე საპატრულო პოლიცია და სამაშველო სამსახურის წარმომადგენლები მუშაობენ.

"ნიუპოსტის" ფოტოები ავარიის ადგილიდან