პირველი ნავი, კალიმნოს კუნძულთან ჩაიძირა, რის შედეგადაც 19 მიგრანტი დაიღუპა. 138-მა მიგრანტმა გადარჩენა მოახერხა.
მეორე შემთხვევა კუნძულ როდოსთან მოხდა. ნავის ჩაძირვას მინიმუმ 3 ადამიანი შეეწირა, 6-მა მიგრანტი დახრჩობას გადაურჩა, 4 კი დაკარგულად ითვლება.
მიგრანტების დაღუპვის შემთხვევები ხშირია, მაშინ როდესაც ისინი ჩრდილოეთ აფრიკიდან ევროპაში ნავით გადასვლას ცდილობენ. წლის დასაწყისიდან ნავების ჩაძირის შედეგად 3 000-მდე მიგრანტი დაიხრჩო.
შეგახსენებთ, ამ წელს ერთ-ერთი ყველაზე დიდი ტრაგედია აპრილის ბოლოს დაფიქსირდა. ხმელთაშუა ზღვაში მიგრანტებით სავსე გემმა კატასტროფა განიცადა. ბორტზე მყოფი 700-მდე ადამიანიდან, მაშველებმა მხოლოდ 28-ის გადარჩენა მოახერხეს.
ბოლო წლების განმავლობაში, ჩრდილოეთ აფრიკიდან იტალიაში ათიათასობით ადამიანი გადავიდა, რომელთა უმეტესობა ომსა და კონფლიქტებს გაექცა.
26 ოქტომბერს ევროკავშირის ლიდერები, ბრიუსელში გამართულ საგანგებო სამიტზე შეთანხმდნენ, რომ ლტოლვილთა მიღების ცენტრებში დამატებით 100 000 ადგილს შექმნიან.
მასალის გამოყენების პირობები






