"მოქალაქეებს, ვისაც ხმები მოგპარეს, კომიტეტის შექმნისკენ მოგიწოდებთ"

"მოქალაქეებს, ვისაც ხმები მოგპარეს, კომიტეტის შექმნისკენ მოგიწოდებთ" - სააკაშვილი ოდესის მერის არჩევნებზე

მსოფლიო - 13:15, 28 Oct, 2015

1621

ოდესის ოლქის გუბერნატორი მიხეილ სააკაშვილი, ადგილობრივი თვითმმართველობის არჩევნების გაყალბებასთან დაკავშირებით, მოსახლეობას კომიტეტის შექმნისკენ მოუწოდებს. ამის შესახებ სააკაშვილი „ფეისბუკის“ ოფიციალური გვერდიდან იტყობინება.

„დღეს, ადგილობრივი თვითმმართველობის არჩევნების გამყალბებლებმა, „მწვანე კაცუნების“ სისწრაფით ოდესის მერია დაიკავეს. მოქალაქეებს, რომლებსაც ხმები მოგპარეს, 18:00 საათზე შეკრებაზე გიწვევთ, რათა ჩამოყალიბდეს კომიტეტი ქურდებისა და თაღლითების წინააღმდეგ, რათა არ დავუშვათ ქალაქის განადგურებისა და ძარცვის გაგრძელება და შევძლოთ ყველა ოდესელის მდგომარეობის უკეთესობისკენ შეცვლა.

ერთობლივი ძალებით ჩვენ ბოლოს მოვუღებთ ოლიგარქ-კლანების მაფიას და ოდესას გარდავქმნით სუფთა ქალაქად. სუფთას ნაგვისგან, ბანდიტებისგან და კორუმპირებულებისგან. ქალაქის ბიუჯეტს გავხდით გამჭვირვალეს და არ დავუშვებთ ქურდობას. შეწყდება ოფიციალური პირების მიერ ფულის გამოძალვა და ოდესას ოდესელებს დავუბრუნებთ“ - წერს სააკაშვილი.

შეგახსენებთ, 25 ოქტომბერს ჩატარებული მერის არჩევნების შედეგებს ოდესის ოლქის გუბერნატორი არ ეთანხმება. ოფიციალური მონაცემებით, რომელიც ადგილობრივი საარჩევნო კომისიის მიერ გამოქვეყნდა, 25 ოქტომბერს ჩატარებულ არჩევნებში ოდესის მოქმედმა მერმა, გენადი ტრუხანოვმა გაიმარჯვა, მას არჩევნებში მონაწილეთა 53 %-მა ანუ ყოველმა მეოთხეამომრჩეველმა დაუჭირა მხარი.

გენადი ტრუხანოვის მთავარმა მეტოქემ, ალექსანდრ ბოროვიკმა ხმათა 25,7 % დააგროვა.თავად ბოროვიკი აცხადებს, რომ ტრუხანოვმა 50%-იანი ბარიერი ვერ გადალახა, ამიტომ არჩევნების მეორე ტურის დანიშვნაა საჭირო.

საააკაშვილმა პრეს-კონფერენცია გამართა, სადაც დარღვევებზე ისაუბრა, გაყალბებული ოქმები წარადგინა და განაცხადა, რომ არჩევნები გაყალბებულია და რეალურად, მეორე ტური უნდა ჩატარდეს.