სირიაში დაღუპული რუსი ჯარისკაცის ახლობლებს თვითმკვლელობის ვერსიის არ სჯერათ

მსოფლიო - 12:29, 28 Oct, 2015

1402

სირიაში დაღუპული 19 წლის რუსი კონტრაქტორის ვადიმ კოსტენკოს თვითმკვლელობის ვერსიის ოჯახის წევრებს არ სჯერათ. ეჭვების საბაბს კი სჯარისკაცის სხეულზე აღმოჩენილი დაზიანებებია.

„არსებობს ოფიციალური ვერსია, რომ მან თავი ჩამოიხრჩო. მაგრამ რა ვუყოთ იმას, რომ აღენიშნება ყბის მოტეხილობა, თავის უკანა არეშიც სერიოზული დაზიანება, კისერიც გადატეხილია და მთელი მუცელი დასერილი“ - განაცხადა კოსნტენკოს ბიძამ.

შეგახსენებთ, გუშინ რუსეთის თავდაცვის სამინისტრომ განაცხადა, 19 წლის სამხედროს გარდაცვალების ფაქტი დაადასტურა. უწყების ცნობით, კონტრაქტორმა თავი ავიაბაზა "ჰმეიმიმზე" ჩამოიხრჩო.

"სამხედრო მოსამსახურემ, რომელიც სირიაში კონტრაქტით, ტექნიკურ სპეციალისტად მუშაობდა, თავი დასვენების საათებში, მორიგეობის შემდეგ მოიკლა" - განაცხადეს რუსეთის თავდაცვის სამინისტროში.
სირიაში რუსი სამხედროს გარდაცვალების შესახებ პირველად, რუსმა ბლოგერებმა პროექტ Conflict Intelligence Team-იდან განაცხადეს. მათი ცნობით, 19 წლის ჯარისკაცი ვადიმ კ. 25ოქტომბერს გარდაიცვალა. მათი თქმით, ინფორმაცია ჯარისკაცის ახლობლების სოციალური ქსელებიდან გაიგეს. რამდენიმე დღის განმავლობაში რუსეთის ძალოვანი უწყება აღნიშნულ ინფორმაციასთან დაკავშირებით კომენტარს არ აკეთებდა.

უწყების ცნობით, სუიციდის მიზეზი პირად ცხოვრებაში არსებული პრობლემები გახდა.