ჟაკეტების ბუმი თბილისში - როგორ გამოიყურება ფრითი ვუმენების "ნაქსოვი ბიზნესი" (ფოტოკოლექცია)

შოუ ბიზნესი - 13:45, 27 Oct, 2015

104241

ჟაკეტების ბუმი თბილისში გრძელდება. შორენა ბეგაშვილის პარალელურად ამ საქმით მეგობრებთან ერთად ლალი ტოტიკაშვილიც დაინტერესდა. გოგონების საქმიანობამ სახელი მალევე გაითქვა, როგორც საბავშვო, ასევე დიდების ხაზით. ტელეწამყვანმა დიკო ჯოჯუამ და მისმა ქალიშვილმა თუნამ, უკვე მოიხდინეს ახალი სამოსი, ისევე როგორც სხვა ბევრმა მოდის მიმდევარმა ადამიანმა. სამარკო ნიშანი L.L.S.I იშიფრება როგორც: ლალი, ლელა, სოფო და ირინა.

ლალი ტოტიკაშვილი: „სამოდელო სააგენტო „შარმის“ დამფუძვნებლებმა მე, ირინა ონაშვილმა, სოფო ბურჯანაძემ და ლელა ცინცაძემ, ერთად მოვიფიქრეთ ეს სიახლე და ზაფხულიდან დავიწყეთ მუშაობა. თავიდან საბავშვო ხაზზე ვიყავით ორიენტირებული, მოგვიანებით კი დიდებიც გავაკეთეთ. ჩვენი ჟაკეტები, რა თქმა უნდა, ხელით ნაქსოვია და მაღალი ხარისხით გამოირჩევა. ყველა ერთად ვმუშაობთ დიზაინზე და გვიხარია, რომ ბევრს მოსწონს.

- შორენა ბეგაშვილმაც გამოუშვა სახელობითი ჟაკეტები. იდეა თქვენ ხომ არ მიაწოდეთ?

- როგორც თვითონ მითხრა შეხვედრისას, ისიც აპირებდა ამ ხაზის გაკეთებას. ასე რომ პაქტურად ერთდროულად გავაკეთეთ“- ამბობს ლალი ტოტიკაშვილი „ნიუპოსტთან“ საუბრისას.