რომელიც ფეხზე საკმარისად მყარად მდგომ და სტაბილური ბიზნესის მქონე პირს - ქართველ ბიზნესმენს გადახდა სესხის აღების მცდელობისას საქართველოს ბანკებში." 

ყველა ბანკის მონახულებისა და მათთან საუბრის შემდეგ, პასუხი ყველგან ერთნაირი იყო:
ა) საპროცენტო განაკვეთი 18-21%-მდე;
ბ) ურთულესი შინაარსის ხელშეკრულებები, რომელთა ხელმოწერა კვალიფიციური იურისტის გარეშე დიდი უპასუხისმგებლობა იქნებოდა საკუთარი თავისადმი.
გ) მაგრამ ყველაზე ს ა შ ი ნ ე ლ ე ბ ა თავდებობის ხელშეკრულებაა: 30 000 ლარის ოდენობის კრედიტზე, ბიზნესმენი იპოთეკაში დებდა ფირმის ქონებას, რომელიც
200 000 აშშ დოლარად არის შეფასებული(!).

და... ბანკებს ეს არ ჰყოფნით! "პირადი ქონებითაც უნდა იყოო თავდები", - მიმართავენ ბიზნესმენს!

თავდების მაქსიმალური თანხა არის 100 000$ (!).რატომ?! შეიძლება ეს ვინმემ გონივრულად ახსნას?!

ხელშეკრულების პროექტის შემდეგ პუნქტში წერია:
"თავდები ვალდებულია გადაუხადოს ბანკს პირგასამტეხლო
100 000$ 0,5% ვალდებულების შესრულების ვადის გადაცილებულ ყოველი დღისთვის, - ე.ი.ყოველ ვადაგადაცილებულ დღეზე 5 000$!"
ეს რა, ყაჩაღობა და უზნეობაა?!

ბიზნესმენმა დიდი ძალისხმევით შეძლო რეალურ თანხაზე შეთანხმება, მაგრამ ხელმოწერის წინ ბანკმა მორიგი სიურპრიზი "შესთავაზა": ბიზნესმენს მოსთხოვა ხელი მოეწერა ვალდებულებაზე, რომ სანამ კრედიტს არ დავფარავდა, არ ექნებოდა ურთიერთობა სხვა ბანკებთან".

აი, ბოლშევიკური სიგიჟის საუკეთესო მაგალითი!
რა არის შ.პ.ს.? შ.პ.ს.-ს არსი ხომ სწორედ ისაა, რომ იგი თავისი ქონებით აგებს პასუხს.

ვფიქრობთ, ეს კრეტინიზმი არ არის - უფრო, საბოტაჟის სუნი ასდის და მიმართულია იქეთკენ, სერიოზული სირთულეები შეიქმნას საქართველოს ეკონომიკაში, რომელიც ისედაც სავალალო მდგომარეობაშია.

ასეთ ვითარებაში ბიზნესი ვერ განვითარდება და ადამიანის აქტიურობაც ვერ იქნება მაღალი... ცივილიზებული საბანკო სისტემის გარეშე საბაზრო ეკონომიკის პრინციპებზე დაფუძნებული ეკონომიკის წინსვლა შეუძლებელია. ამ ვითარებაში მთავრობის ნებისმიერი ძალისხმევა განწირულია მარცხისათვის ანდა დაბალეფექტური საქმიანობისათვის."_ ნათქვამია წერილში.