ავღანეთის ჩრდილოეთში მომხდარ ძლიერ მიწისძვრას მსხვერპლი მოჰყვა.

როგორც „ევრონიუსი“ იტყობინება, ბიძგებმა როგორც ავღანეთში, ასევე მეზობელ პაკისტანსა და ინდოეთში ნგრევა გამოიწვია, რამაც ავღანეთში 20, ხოლო პაკისტანში 17 ადამიანის სიცოცხლე იმსხვერპლა. დაშავებულია 100-მდე ადამიანი.

აშშ-ის გეოლოგიური ცენტრის მონაცემებით, 7,5 მაგნიტუდის მიწისძვრა ავღანეთის ჩრდილოეთით, ჰინდუქუშის რეგიონში მოხდა. ეპიცენტრი დედაქალაქ ქაბულიდან 256 კილოემტრში, ქალაქ ჟარმიდან 45 კილომეტრში 212 კილომეტრის სიღრმეზე მდებარეობდა.
მიწისძვრა იმდენად ძლიერი იყო, რომ ბიძგები მეზობელ პაკისტანსა და ინდოეთში იგრძნობოდა.