აშშ ბაშარ ასადის მოსკოვში ვიზიტს აკრიტიკებს

მსოფლიო - 11:58, 22 Oct, 2015

1175

აშშ-ის სახელმწიფო დეპარტამენტი და ადმინისტრაცია, სირიის პრეზიდენტის - ბაშარ ალ-ასადის მოსკოვში ვიზიტს აკრიტიკებს.

თეთრი სახლის წარმომადგენლის, ერიკ შულცის განცხადებით, მოსკოვი-დამასკოს ურთიერთობა სირიაში პოლიტიკური დარეგულირების პერსპექტივას საფრთხეს უქმნის.

„ჩვენ ვფიქრობთ, რომ ასადის თბილი მიღება, რომელმაც საკუთარი ხალხის წინააღმდეგ ქიმიური იარაღი გამოიყენა, წინაღმდეგობაში მოდის სირიაში ვითარებისა პოლიტიკური გზით დარეგულირებასთან“ - განაცხადა შულცმა.

აშშ-ის სახელმწიფო დეპარტამენტის წარმომადგენლის, ჯონ კირბის განცხადებით, კი მისთვის ასადის ვიზიტი მოულოდნელი არ ყოფილა.
"გასაკვირი არ არის, რომ ბაშარ ალ-ასადი მოსკოვში ჩავიდა, თუ გავითვალისწინებთ რუსეთ-სირიის ურთიერთობას და ცოტა ხნის წინ დაწყებულ იმ სამხედრო აქტივობას, რომელსაც რუსეთი სირიაში ასადის ინტერესების დასაცავად ახორციელებს" - აღნიშნა კირბიმ.
შეგახსენებთ, სირიის პრეზიდენტი ბაშარ ალ-ასადი სამშაბათს მოსკოვს ეწვია, სადაც რუსეთის პრეზიდენტს, ვლადიმერ პუტინს შეხვდა. პუტინის პრესმდივნის, დიმიტრი პესკოვის განცხადებით, მსჯელობის საკითხები ტერორისტულ და ექსტრემისტულ დაჯგუფებებთან ბრძოლას შეეხო. პრეზიდენტს დეტალური ინფორმაცია მიაწოდეს სირიაში არსებულ მდგომარეობასა და სამომავლო გეგმებზე. ასევე განხილულ იქნა ორმხრივი ურთიერთობის გაფართოების საკითხები“