ამდენი ხანი ეთერში მხოლოდ „სანტა ბარბარა“ მახსოვს

ამდენი ხანი ეთერში მხოლოდ „სანტა ბარბარა“ მახსოვს - დაბრუნდება თუ არა ზუზუ "ჩცდ"-ში

ეს საინტერესოა - 14:20, 21 Oct, 2015

3945

მსახიობი ზუზუ ბეჟაშვილი არის ის ადამიანი, რომლის შესახებ სულ საუბრობენ და ყოვეთვის რაღაც სკანდალურს ეძებენ. თუმცა თავად ზუზუ თავს სკანდალურ ადამიანად არ თვლის და ამ სახით პიარის გაკეთება არასდროს უცდია. მართალია მას არა ერთი სახე აქვს შექმნილი ქართულ და არაქართულ სერიალებსა თუ ფილმებში, მაგრამ მაყურებელი მაინც „ჩემი ცოლის დაქალებს“ გამოარჩევს. სერიალიდან გამომდინარე მას ბავშვობის ქმარსაც კი ეძახიან. იქნება თუ არა ის სერიალის ახალ სეზონში, ამის გასარკვევად დავუკავშირდით და „ნიუპოსტის“ რამდენიმე შეკითხვასაც უპასუხა.

- ზუზუ „ჩემი ცოლის დაქალების“ ახალ სეზონში თუ გიხილავს მაყურებელი?

- ხო აი ვზივარ და დღე და ღამე ველოდები, ვიქნები თუ არა. სიამოვნებით ვიქნები ყველგან სადაც საინტერესოდ შემიყვანენ, მათ შორის „ცოლის დაქალებშიც“. თუმცა მაინც ვფიქრობ, რომ მეც და მათაც ამოვწურეთ ერთმანეთი. დავძენ, რომ მაგრები არიან და წარმატებას ვუსურვებ. მე სხვა ნაბიჯებს ვდგამ და მინდა ნაყოფიერად ვიმუშაო საკუთარი თავისთვის.

- სიახლეა რამე?

- კიევში ვიყავი, ასევე მოსკოვიდან მაქვს შემოტავაზება სინჯებზე. ვნახოთ რა გამოვა, ჯერ ველოდები შედეგს. არ არის კარგი წინასწარ ლაპარაკიო ამბობენ და მეც ასე ვფქრობ.

- მართალია მიგაჩნია რომ შენ და „ცოლის დაქალებმა“ ერთმანეთი ამოწურეთ, მაგრამ რომ დაგიძახონ ახალ სეზონში, უარს იტყვი მონაწილეობაზე?

- რატომ ვიტყვი უარს, სტომატოლოგობა კი არ დამიწყია, მსახიობი ვარ. მივალ, რა თქმა უნდა, თუ ვიქნები თბილისში, ან საერთოდ ცოცხალი. ისე ამდენი ხანი ეთერში მხოლოდ „ჩემი ცოლის დაქალები“ და „სანტა ბარბარა“ მახსოვს.

- ბოლო დროს ამღერდი, რაც შენს გულშემატკივარს ძალიან მოეწონა.

- გაგიკვირდება და ჩემი ამღერება რატომღაც ახლა შეამჩნიეს. რამდენიმე სიმღერა ადრეც მაქვს ჩაწერილი, მაგრამ ალბათ ეს ან ძალიან მოეწონათ, ან პირიქით, ძალიან არ მოეწონათ და ამიტომ ალაპარაკდნენ ჩემს ამღერებაზე. სიმღერა მე პირადად ძალიან მიყვარს. ვისაც მოეწონა მადლობა, ვისაც არა, ბოდიში.

- პირად ცხოვრებაში რა ხდება?

- ჩემს პირადში სულ რაღაც ხდება. ძალიან საინტერესო ცხოვრება მაქვს, რასაც ყველას ვუსურვებ.

მარიკა ხიდურელი