4 ადამიანის მკვლელობაში ეჭვმიტანილ ამირან გიორგაძეს ბრალი დაუსწრებლად წაუყენეს

მსოფლიო - 17:34, 20 Oct, 2015

2860

რუსეთის საგამოძიებო კომიტეტმა ოთხი ადამიანის მკვლელობაში ეჭვმიტანილ ქართველ ბიზნესმენს ამირან გიორგაძეს ბრალი დაუსწრებლად წაუყენა და მასზე ფედერალური ძებნა გამოაცხადა. ამის შესახებ უწყების ოფიციალურმა წარმომადგენელმა ვლადიმერ მარკინმა განაცხადა.შეგახსენებთ, მკვლელობა გუშინ მოხდა. გამოძიების წინასწარი ვარაუდით, გიორგაძე კრასნოგორსკის რაიონის ადმინისტრაციის უფროსის მოადგილესთან, იური კარაულოვთან კაბინეტში იმყოფებოდა, რა დროსაც კრასნოგორსკის ელექტროქსელების ხელმძღვანელი გიორგი კოტლიარენკო შეუერთდა. სავარაუდოდ მათ შორის სიტყვიერი დაპირისპირება მოხდა, რის შემდეგაც გიორგაძემ ცეცხლსასროლი იარაღით ორივე მათგანი სასიკვდილოდ დაჭრა. გავრცელებული ინფორმაციით, სამივე პირი მეგობრობდა. კონფლიქტი კი იმის გამო მოხდა, რომ ქართველ ბიზნესმენს ობიექტების მშენებლობაზე სახელმწიფო შეკვეთებს აღარ აძლევდნენ. რუსული მედიის ინფორმაციით, გიორგაძეს კრასნოგორსკის რაიონში სამშენებლო ბიზნესით არის დაკავებული.

რამდენიმე საათის წინ გავრცელებული ინფორმაციით, გიორგაძის მძღოლის, შოთა ელიზბარაშვილი სამართალდამცავებს ჩაბარდა და ჩვენება მისცა. ელიზბარაშვილის ადვოკატმა სამართალდამცავებს დაურეკა და აცნობა, რომ მის კლიენტს საკუთარი ნებით საგამოძიებო ორგანოში მისვლა სურდა. მძღოლის თქმით, მკვლელობის მომენტში ის გიორგაძის გვერდით იმყოფებოდა. მკვლელობის ადგილის დატოვების შემდეგ კი, გიორგაძემ გზაში "შემთხვევით" გამვლელიც მოკლა, რამაც მძღოლი ძალიან შეაშინა და პოლიციაში მისვლა გადაწყვიტა.

მოსკოვის ოლქის კრასნიოგორსკის რაიონში, ორი ჩინოვნიკისა და შემთხვევითი გამვლელის მკვლელობაში, ეჭვმიტანლი ქართველი ბიზნესმენის, ამირან გიორგაძის სახლის ჩხრეკისას, სამართალდამცავებმა კიდევ ერთი ცხედარი აღმოაჩინეს. ამის შესახებ სააგენტო „ვზგლიადი“ რუსეთის საგამოძიებო კომიტეტზე დაყრდნობით იტყობინება. გამოცემის თანახმად, ცხედარი გიორგძის ერთ-ერთ ბიზნეს პარტნიორს ეკუთვნის.

სამართალდამცავები ბიზნესმენს ამ დრომდე ეძებენ. რუსეთის შინაგან საქმეთა სამინისტრომ, ამირან გიორგის შესახებ ნებისმიერი ინფორმაციის მიწოდებისთვის ჯილდოდ 1 მილიონი რუბლი დააწესა.