სირიაში რუსულ ავიაიერიშებს მინიმუმ 45 ადამიანი ემსხვერპლა

მსოფლიო - 17:28, 20 Oct, 2015

1470

სირიის ჩრდილო-დასავლეთში მდებარე პროვინცია ლატაკიაში რუსული ავიაიერიშების შედეგად სულ მცირე 45 ადამიანი დაიღუპა. ამის შესახებ ინფორმაციას, ადამიანის უფლებების სირიის სადამკვირვებლო საბჭო ავრცელებს.

რუსული ავიადატყმები ლატაკიაში გუშინ განხორციელდა. დაღუპულთა შორის სირიის თავისუფალი არმიის ბრიგადის მეთაური და ოპოზიციონერთა ოჯახის წევრები არიან. სადამკვირვებლო საბჭოს ინფორმაციით, საჰაერო დარტყმების შედეგად გარდაცვლილთა რიცხვი შესაძლოა გაიზარდოს.

შეგახსენებთ, რუსულმა ავიაციამ სირიაში საჰაერო ოპერაცია 30 სექტემბერს დაიწყო. მედიაში გავრცელებული ინფორმაციით, რუსეთმა, რომელიც ავიაიერიშებს ბაშარ ასადის თხოვნის საფუძველზე ახორციელებს, სამიზნედ არა ISIS პოზიციები, არამედ ბაშარ ასადისადმი ოპოზიციურად განწყობილი ძალების პოზიციები შეარჩია. ოფიციალური მოსკოვი ბრალდებებს კატეგორიულად უარყოფს.

ავიაიერიშების დაწყებიდან, რუსულმა თვითმფრინავებმა თურქეთის საჰაერო სივრცე ორჯერ დააღვია. ოფიციალურმა ანკარამ მოსკოვს ახნსა-განმარტება მოსთხოვა, პასუხად კი საგარეო საქმეთა სამინისტროს პასუხი მიიღო, რომლის თანახმადაც, ოფიციალური ანკარის საჰაერო სივრცის დარღვევა, უამინდობი გამო , შემთხვევით მოხდა.