უკრაინელი პოლიტიკოსების რეიტინგში სააკაშვილი ლიდერობს

მსოფლიო - 14:14, 20 Oct, 2015

5787

ოდესის ოლქის გუბერნატორი, მიხეილ სააკაშვილი ყველაზე პოზიტიური უკრაინელი პოლიტიკოსების რეიტინგში ლიდერობს.

ამის შესახებ უკრაინული სოციოლოგიური ჯგუფის „რეიტინგის“ მიერ ჩატარებული გამოკითხვის შედეგები იტყობინება. გამოკითხვა, საერთაშორისო განვითარების აშშ-ის სააგენტოს ფინანსური მხარდაჭერით განხორციელდა და პოლიტიკოსებისადმი უკრაინელი ხალხის დამოკიდებულების განსაზღვრას ისახავდა მიზნად.

გამოკითხულთა 10% მიხეილ სააკაშვილის საქმიანობას „ძალიან პოზიტიურად“, ხოლო 33% კი „საკმაოდ პოზიტიურად“ აფასებს.

იმ პოლიტიკოსთა ტოპ-5, რომელთა მიმართაც უკრაინელები დადებითად არიან განწობილნი, ასე გამოიყურება.

1. მიხეილ სააკაშვილი - 43%

2. ანდრეი სადოვი - 38%

3. გენადი მოსკალი - 34%

4. პეტრო პოროშენკო - 27%

5. 5. ვიტალი კლიჩკო - 26%

რაც შეეხება პოლიტიკოსებს, რომელთა მიმართაც უკრაინალები უარყოფითად არიან განწყობილნი, შემდეგნაირია : პარტია „ძლიერი უკრაინის“ თავმჯდომარე სერგეი ტიგინკო, უკრაინის პრემიერ-მინისტრი არსენი იაცენუკი, „ოპოზიციური ბლოკის“ ლიდერი იური ბოიკო , „თავისუფლების“ ლიდერი ოლეგ ტიაგნიბოკი და „რადიკალური პარტიის“ ხელმძღვანელი ოლეგ ლიაშკო.

კვლევა 7-21 სექტემბერს, უკრაინის მთელს ტერიტორიაზე ჩატარდა, გარდა ყირიმისზა და დონბასის ოკუპირებული ნაწილისა. გამოკითხვაში მონაწილეობა 18 წელს გადაცილებულმა 1 200-მა მოქალაქემ მიიღო.