მოსკოვის ოლქის კრასნიოგორსკის რაიონში მომხდარ ორმაგ მკვლელობაში ქართველი ბიზნესმენი ამირან გიორგაძეა ეჭვმიტანილი.

სააგენტო „ტასი“ ინფორმაციას რუსეთის საგამოძიებო კომიტეტის ოფიციალურ წარმომადგენელზე ვლადიმერ მარკინზე დაყრდნობით ავრცელებს.

გამოძიების წინასწარი ვარაუდით, გიორგაძე კრასნოგორსკის რაიონის ადმინისტრაციის უფროსის მოადგილესთან კაბინეტში იმყოფებოდა, რა დროსაც მათთან კრასნოგორსკის ელექტროქსელების ხელმძღვანელი მივიდა. სავარაუდოდ მათ შორის სიტყვიერი დაპირისპირება მოხდა, რის შემდეგაც გიორგაძემ ცეცხლსასროლი იარაღით ორივე მათგანი სასიკვდილოდ დაჭრა.

რუსული მედიის ინფორმაციით, გიორგაძეს კრასნოგორსკის რაიონში სამშენებლო ბიზნესით არის დაკავებული.