„ბიბისის“ ყოფილი ჟურნალისტი, ჟაკლინ სატონი სტამბოლის აეროპორტში ჩამომხრჩვალი იპოვეს.

გავრცელებული ცნობით, ჟურნალისტი ლონდონიდან ერაყის ჩრდილოეთში მდებარე ქალაქ ერბილში , თურქეთის გავლით მიემგზავრებოდა და რეისზე დააგვიანა. თურქული მედიის ცნობით, აეროპორტის თანამშრომლებმა მას განუცხადეს, რომ შემთხვევაში ავიაკომპანია პასუხისმგებლობას იხსნის და შემდეგი რეისით საკუთარი სახსრებით უნდა გაფრენილიყო. რაზეც სატონმა განუცხადა, რომ ახალი ბილეთის თანხა არ ჰქონდა. რის შემდეგადაც საპირფარეშოში შევიდა და თავი ჩამოიხრჩო. გამოცემის თანახმად, სატონის ცხედარი საპირფარეშოში მგზავრებმა იპოვეს. დაღუპულის ახლობლები თვითმკვლელობის ვერსიას გამორიცხავენ. მისმა კოლეგებმა, კი საერთაშორისო გამოძიების დაწყება მოითხოვეს.
ჟაკლინ სატონი ბრიტანული "ომისა და მშვიდობის გაშუქების ინსტიტუტის" დირექტორის მოვალეობის შემსრულებელი იყო. წლების განმავლობაში მუშაობდა ტელეკომპანია "ბიბისიში", გეროსა და სხვა საერთაშორისო ორგანიზაციებში.