18 ოქტომბერს, ლისაბონიდან დუბლინის მიმართულებით ავიაკომპანია Aer Lingus-ის რეისმა ირლანდიის აეროპორტ “კორკში“ საგანგებო დაშვება განახორციელა. მიზეზი 24 წლის მამაკაცის გარდაცვალება გახდა.

როგორ თვითმხილველები აცხადებენ, მგზავრი თავიდანვე განსაკუთრებული აქტიურობით გამოირჩეოდა, აფრენიდან ერთი საათის შემდეგ კი, ის მოულოდნელად გვერდით მჯდომ მგზავრს თავს დაესხა და უკბინა.

მამაკაცი ეკიპაჟის წევრებმა შეაკავეს, რამდენიმე წუთის შემდეგ კი ის ცუდად გახდა და გარდაიცვალა. „კორკის“ აეროპორტში მობილიზებული იყო სასწრაფო დახმარების ეკიპაჟიც, მაგრამ 24 წლის მგზავრი თვითმფრინავის დაშვებამდე გარდაიცვალა.

წინასწარი ვარაუდით, გზავრის გარდაცვალების მიზეზი შესაძლოა, პანიკური შეტევა გამხდარიყო.