რაც გამოიხატება განათლების ხარისხის განვითარების ეროვნული ცენტრის ავტორიზაციის საბჭოს მიერ ზემოაღნიშნული უნივერსიტეტისათვის აკრედიტაციის შეჩერებით. ამ ნაჩქარევმა გადაწყვეტილებამ საზოგადოებაში გააჩინა საფუძვლიანი ეჭვი, რომ აღნიშნულ ქნედებას გააჩნია გარკვეული პოლიტიკური სარჩული, რამაც შეიძლება საფრთხე შეუქმნას არამარტო უნივერსიტეტის არსებობას და გამოიწვიოს განათლების სამინისტროს ხელმძღვანელობის დისკრედიტაცია, არამედ ხელი შეუშალოს ქვეყანაში სოფლის მეურნეობის განვითარებას, განსაკუთრებით მაშინ, როდესაც ხელისუფლებისათვის ერთ–ერთ მთავარ პრიორიტეტს ქვეყანაში სოფლის მეურნეობის აღორძინება წარმოადგენს.
მიგვაჩნია, რომ განათლების სამინისტროს პრიორიტეტს უნდა წარმოადგენდეს არა უნივერსიტეტების მიმართ ისეთი რადიკალური ნაბიჯების გადადგმა, როგორიცაა ავტორიზაციის შეჩერება, არამედ უნივერსიტეტში არსებული პრობლემების შესწავლა და აღმოფხვრაში დახმარება. საზოგადოებას დაწვრილებით უნდა მიეწოდოს ინფორმაცია იმ დარღვევებთან დაკავშირებით, რის გამოც საბჭომ მიიღო გადაწყვეტილება აგრარული უნივერსიტეტისთვის ავტორიზაციის შეჩერებასთან დაკავშირებით და უნდა მოხდეს საზოგადოების ჩართულობა მსგავსი პრობლემების განხილვისას."_ ნათქვამია განცხადებაში, რომელსაც ხელს აწერს არასამთავრობო ორგანიზაცია “ევროპულ დემოკრატიული ცენტრის”თავმჯდომარე ლევან გაბრიჩიძე