"რუსთავი2"-ის გადაცემა "პოზიციაში" საუბრის დროს აგრარული უნივერსიტეტის რექტორმა ავტორიზაციის გაუქმების დეტალებზეც გაამახვილა ყურადღება:

"მიუხედავად იმისა, რომ მე ხარვეზების აღმოსაფხვრელად მზად ვარ, სამწუხაროდ განათლების მინისტრმა განაცხადა, რომ თურმე ჩვენ შენიშვნების მიღება არ გვსურს, ეს სინამდვილეს ნამდვილად არ შეესამება. ჩვენი ჯგუფი უკვე მუშაობს ამ ყვოველივეს გამოსასწორებლად. ვთვლი, რომ მინისტრს არაზუსტ ინფორმაციას აწვდიან და მისი განცხადებების საფუძველზე საზოგადოებაც შეცდომაში შეყავთ. საბჭოს შეეძლო 15-დღიანი ვადა მოეცა, მარამ მან ეს უფლება არ გამოიყენა და ცალმხრივად მიიღო გადაწყვეტილება.

მგონია, რომ კანონიერება სამართლიანობასთან უნდა იყოს კავშირში. კანონის ყველა ინტერპრეტაცია ამ შემთხვევაში გამოყენებული იყო აგრარული უნივერსიტეტის წინააღმდეგ, რადგან მათ მიერ დაფიქსირებული არცერი ხარვეზი არ უქმნიდა საფრთხეს სტუდენტების განათლების ხარისხს. შესაძლებელი და სამართლიანი იქნებოდა ამ საქმის წარმოება საერთოდ დასრულებულიყო და ავტორიზაცია არ შეჩერებულიყო. არცერთი სტუდენტი, რომელსაც შეუწყდა სტატუსი, არ გარიცხულა ფინანსური დავალიანების გამო. მსგავსი ფაქტი, საერთოდ, არც კი დაფიქსირებულა", - განაცხადა უნივერსიტეტის რექტორმა.

ლაშა გოცირიძე განათლების მინისტრის იმ ბრალდებებსაც შეეხო, რაც ბაკალავრის დიპლომების გაცემას უკავშირდებოდა:
"ბაკალავრის დიპლომის კანონიდარღვევით გაცემის ფაქტი საერთოდ არც კი დასტურდება და ეს ძალიან სასაცილოა. ეს გაჟღერდა ზედმეტად გამუქებულ ფერებში: ერთ-ერთ ამერიკულ უნივერსიტეტთან ჩვენ გვაქვს საერთაშორისო ხელშეკრულება, სადაც ვაგზავნით სტუდენტებს, სწავლობენ და ჩამოსვლის შემდეგ იღებენ დიპლომს.

ხარვეზი, რომელსაც გვედავებიან, გახლავთ ის, რომ განათლების სამინისტროში გადაგვეგზავნა მსგავსი სტუდენტების სწავლების შესახებ ინფორმაცია და შემდეგ გაგვეცა დიპლომები. ჩვენ ეს მოთხოვნა გავითვალისწინეთ. საქმე გვქონდა ტექნიკურ უზუსტობასთან, რაც მომენტალურად აღმოიფხვრა, თუმცა ეს იყო ერთ-ერთი უმსხვილესი დარღვევა რომელსაც გვედავებიან. არ შეიძლება, ყოველივე ამის გამო დაისაჯონ ის ბავშვები, რომლებიც დღეს ამ უნივერსიტეტში სწავლობენ", - თქვა რექტორმა "პოზიციაში".