მსახიობ ალეკო ბეგალიშვილის კომენტარი ამ თემასთან დაკავშირებით კი შემდეგია: „გამოჩნდება თუ არა დუდუ „ჩემი ცოლის დაქალებში“ არ ვიცი, მაგას მე არ ვწყვეტ. როგორც სცენარისტები გადაწყვეტენ ისე იქნება, ჯერ არავინ შემხმიანებია. ისე ჩემი აზრით, აღარც არის საჭირო დუდუს ისტორია რომ გაგრძელდეს. მგონი დუდუმ თავისი რესურსი ამოწურა სერიალში. მაინც და მაინც ამ დუდუთი ჩაციკვლა არ მიზიდავს. მირჩევნია ახლა სხვა პერსონაჟები განვასახიერო ახალ პროექტებში. ეს უფრო საინტერესო იქნება ჩემთვის. მიუხედავად ამისა უარს მაინც არ ვიტყვი თუ დამიძახებენ „ჩემი ცოლის დაქალების“ გადაღებებზე.

ლევან ანჯაფარიძემ დამაკავა თავის ფილმში „ციცინათელები“, მორჩილი გიორგის როლზე. ძალიან საინტერესო სამუშაოა და ერთი სული გვაქვს როდის დაიწყება გადაღებები - განაცხადა მსახიობმა "ნიუპოსტთან" საუბრისას.

მარიკა ხიდურელი