ტაივანელმა ქალბატონმა თვითმფრინავში, 30 000 მეტრზე მშობიარა.

China Airlines-ის ლაინერი რეისს ტაივანის საერთაშორისო აეროპორტიდან ლოს-ანჯელესის მიმართულებით ასრულებდა. ფრენისას, ქალმა ბორტგამცილებლებს შეატყობინა, რომ სავარაუდოდ მშობიარობა ეწყებოდა.

საბედნიეროდ, ბორტზე ექიმი აღმოჩნდა, რომელიც ქალს მშობიარობაში დაეხმარა. გოგონა რეისის შესრულებისას გაჩნდა.

პილოტმა ალასკაზე საგანგებო დაშვება განახორციელა. დედა-შვილი კი საავადმყოფოში გადაიყვანეს, ორივე მათგანი თავს კარგად გრძნობდა.

როგორც გაირკვა ქალბატონი 32-კვირის ფეხმძიმე იყო და მას ნაადრევი მშობიარობა დაეწყო.