პოპულარული მსახიობი ვინ დიზელი მის გასუქებასთან დაკავშირებით ატეხილ აჟიოტაჟს „ინსტაგრამზე“ გამოეხმაურა. მსახიობის თქმით ის ჟურნალისტების რეაქციამ გააოცა, „ვინმეს გაკიცხვა მისი ფიგურის გამო არასწორია, თქვენ რას ფიქრობთ?“ დაწერა მსახიობმა სოციალურ ქსელში.

ამასთანავე ვინ დიზელმა ფოტოებიც გამოაქვეყნა, სადაც ის თავის მუცელს აჩენს. სადაც ჩანს, რომ მსახიობის მუცლის პრესი მოდელის სტანდარტისგან შორსაა, თუმცა პაპარაცების მიერ გადაღებული ღიპიანი კაცისგან რადიკალურად განსხვავდება.

„აი ჩემი გუშინდელი ფოტო, მათთვის ვისაც ამის დანახვა სურდა, იმ ანგელოზებისთვის ვისაც ყველაფრისდა მიუხედავად „მამიკოს სხეული“ (dad bod) მოსწონს“- დაწერა დიზელმა ინსტაგრამზე.