მსოფლიო თასის ჯგუფური ეტაპის დასასრულს, ერთ-ერთმა უელსურმა გამოცემამ www.walesonline.co.uk, მსოფლიო თასზე მოასპარეზე 15 საინტერესო მორაგბე გამოარჩია, რომლებიც მათი აზრით უელსური კლუბების სელექტორთა სამიზნე უნდა გახდნენ.

თხუთმეტეულში 4 ბორჯღალოსანია - მესამე ადგილზე ბორჯღალოსანთა მეორეხაზელი გიორგი ნემსაძეა, რომელმაც მსოფლიო თასზე უკვე მეორედ იასპარეზა. მეხუთეზე ბექა წიკლაურია, რომელმაც მსოფლიო თასზე სადებიუტო შანსი ახალი ზელანდიის წინააღმდეგ გამართულ მატჩში გამოიყენა და ისტორიული ლელოთი მსოფლიოს თავი გააცნო. მეცხრე ადგილზე ჩვენი შუამარბი დავით კაჭარავა წარადგინეს, რომელიც მიმდინარე მსოფლიო თასის ოთხივე მატჩის სასტარტო შემადგენლობაში იყო. მეთერთმეტე ადგილს კი 29 წლის 10 ნომერი ლაშა მალაღურაძე იკავებს.