სურს თუ არა მილტონ ჰეიგს "ბორჯღალოსნების" მწვრთნელად დარჩენა

სპორტი - 13:35, 13 Oct, 2015

4937

დარჩება თუ არა მილტონ ჰეიგი საქართველოს მორაგბეთა ნაკრების მწვრთნელად, ამის შესახებ კომენტარი ბორჯღალოსნების თავკაცმა გადაცემაში „სპორტი გიორგი ზურაბიშვილთან ერთად“ გააკეთა:

„მომავალი ოთხი წელი ძალიან მნიშვნელოვანია, გადაწყვეტილება ჩემს დარჩენა არდარჩენაზე ჩემი მისაღები არ არის. რა თქმა უნდა მე მინდა დავრჩე და გავაგრძელო მუშაობა, ბევრი რამ გაკეთდა და ბევრი რამ არის გასაკეთებელი ჩვენს ქვეყანაში, საქართველოს ვგულისხმობ. მიყვარს საქართველოში ცხოვრება, ჩემი ოჯახიც აქ ცხოვრობს, ყველას მოგვწონს და გვინდა აქ ცხოვრება.“- განაცადა ჰეიგმა. მისი თქმით მისი მწვრთნელად დარჩენის შემთხვევაში მთავარი აქცენტი ახალგაზრდა მორაგბეებზე იქნება გადატანილი. ჰეიგის შეფასებით, ქართული რაგბს ნათელი მომავალი აქვს და ამის თქმის მიზეზს მას ახალგაზრდა მორაგბეები აძლევენ. მწვრთნელმა წარმატებული ახალგაზრდა მორაგბეების მაგალითად ვასილ ლობჟანიძე და მერაბ შარიქაძე მოიყვანა:

„შემდეგ ოთხ წელწადში ახალგაზრდა მოთამაშეებს უფრო მეტ ყურადღებას მივაქცევთ, ვინც ახლა 19-20 წლისები არიან და 4 წლის შემდეგ კარგ ასაკში იქნებიან მსოფლიო თასისთვის. მაგალითისთვის ვასო ლობჟანიძისნაერი ახალგაზრდები ვინც იქნებიან. მომავალი ძალიან მნიშვნელოვანია ქართული რაგბისთვის. არის ნათელი მომავალი, გვყავს მერაბ შარიქაძისნაირი მოთამაშეები, მერაბიც გააგრძელებს შემდეგი მსოფლიოსთვის თამაშს“- აღნიშნა მილტონ ჰეიგმა.

მილტონ ჰეიგს მსოფლიო ჩემპიონატის გამარჯვებულის შესახებაც მოსთხოვეს პროგნოზის გაკეთება, რაზეც ქართველი მორაგბეების ახალზელანდიელმა მწვრთნელმა განაცხადა, რომ რაგბის მსოფლიო ჩემპიონატს ახალი ზელანდია მოიგებს.