მალაიზიური ბოინგის კატასტროფის მიზეზებზე საბოლოო ანგარიში დღეს გამოქვეყნდება

მსოფლიო - 12:55, 13 Oct, 2015

814

ნიდერლანდების ტრანსპორტის უსაფრთხოების საბჭო უკრაინაში მალაიზიური ბოინგ 777-ის კატრასტროფის მიზეზების თაობაზე საბოლოო მოხსენებას დღეს გამოაქვეყნებს. მანამ კი მოხსენების შინაარსს დაღუპულ მგზავრთა ოჯახის წევრებს დახურულ შეხვედრაზე გააცნობენ.

ნიდერლანდების ოფიციალურ ვერსიამდე, რუსულმა «Алмаз-Антей»-მ საკუთარი დასკვნა დადო, რომლის თანახმადაც საქმის გამოძიებისას პროფესიონალთა გუნდა ექსპერიმენტები ჩაატარეს და დადგინა, რომ მალაიზიურ ბოინგს ზაროშინსკოედან - უკრაინელი სამხედროების კონტროლირებადი ტერიტორიიდან ნასროლი რაკეტა მოხვდა.

შეგახსენებთ, ავიაკომპანია Malaysia Airlines-ის კუთვნილმა თვითმფრინავმა კატასტროფა 2014 წლის 17 ივლისს უკრაინის ტერიტორიაზე განიცადა, რის შედეგად 298 ადამიანი, მათ შორის 18 ბავშვი გარდაიცვალა.

დამოუკიდებელი ექსპერტების მიერ ჩატარებული კვლევების თანახმად, ლაინერი პრორუსული სეპარატისტების მიერ კონტროლირებადი ტერიტორიიდან ნასროლმა რაკეტამ ჩამოაგდო. რუსი ექსპერტის გამოძიების თანახმად, კი იმ დროისთვის უკრაინის შეიარაღებული ძალების მიერ კონტროლირებადი ტერიტორიიდან იყო ნასროლი.

გასულ თვეს, ავსტრალიამ, ბელგიამ, მალაიზიამ, ბრიტანეთმა, ნიდერლანდებმა და უკრაინამ გაეროს უშიშროების საბჭოს საერთაშორისო ტრიბუნალის მოწვევის ინიციატივით მიმართეს, რათა ინციდენტთან დაკავშირებული ყველა პირი პასუხისგებაში მიეცეს, რასაც რუსეთმა ვეტო დაადო.