NASA-ს მორიგი სენსაცია - პლუტონზე გაყინული წყალი და ატმოსფერო აღმოაჩინეს

მსოფლიო - 13:21, 09 Oct, 2015

2147

ამერიკის შეერთებული შტატების აერონავტიკის და კოსმოსის ეროვნული სააგენტოს NASA-ს განცხადებით, პლუტონის გარშემო ცისფერი შრე და გაყინული წყალი აღმოაჩინეს. შესაბამისი ფოტოები "ნასამ" გუშინ გამოქვეყნა.

NASA-ს მიერ გავრცელებული ინფორმაციით მეცნიერების ყურადღება ცისფერმა გარსმა მიიპყრო, რადგან როგორც წესი ნისლის ნაწილაკები წითელი ან ნაცრისფერია.

“ცისფერი ცა, ხშირ შემთხვევაში წარმოიქმნება მზის სხივების პატარა ნაწილებად მიმოფანტვისგან. დედამიწაზე ის პატარა ნაწილები არის ძალიან მცირე ზომის ნიტროგენული მოლეკულები, პლუტონზე კი ისინი უფრო დიდი ზომის არიან “-აღნიშნულია NASA-ს მიერ გავრცელებულ განცხადებაში.

კიდევ ერთი აღმოჩენა პლუტონზე გაყინული წყალია, რომელსაც მეცნიერების განმარტებით წითელი ფერი აქვს.

“გაოცებული ვარ იმით, რომ გაყინულ წყალს ასეთი წითელი ფერი აქვს. ჯერჯერობით არ ვიცით რამ განაპირობა მისი ეს ფერი, შესწავლას განვაგრძობთ" - ნათქვამია განცხადებაში.

შეგახსენებთ, ჯერ კიდევ ივლისში, ნასამ პლუტონის ახლო კადრით გადაღებულილ ფოტოები მოიპოვა. კოსმოსური ხომადლის New Horizons -ის აპარატის მიერ გამოგზავნილ მასალებზე დაყრდნობით მეცნიერებმა ივარაუდეს, რომ პლანეტის ზედაპირზე შესაძლოა ოკეანე არსებობდეს.

14 ივლისს, ნასამ განაცხადა, რომ New Horizons-ი თითქმის 484 მილიონი კილომეტრის გავლისა და 9 წლიანი მოგზაურობის შემდეგ პლუტონს მაქსიმალურად მიუახლოვდა, ყველაზე ახლოს ჩაუფრინა და მისი პირველი ყველაზე ახლო და ნათელი ფოტოც მოიპოვა. მეცნიერების თქმით, პლანეტა იმაზე დიდი აღმოჩნდა, ვიდრე ვარაუდობდნენ. როგორც მოპოვებული ფოტოდან ჩანს, პლუტონს გულიც "ჰქონია." პლანეტაზე გულის ფორმის შემჩნევაა შესაძლებელი.

აღსანიშნავია ისიც, როდესაც აპარატმა ჯუჯა პლანეტას ჩაუფრინა, პლუტონის მზის დაბნელების მომენტი აღბეჭდა.

ამ პროცესის ამსახველ ფოტოზე მეცნიერებმა ლაქა შენიშნეს, სწორედ ეს ლაქა გახდა იმის ვარაუდის საფუძველი, რომ პლუტონს ატმოსფერო აქვს.