ადამიანის უფლებების დაცვის სფეროში, ევროსაბჭო აზერბაიჯანთან თანამშრომლობას წყვეტს. საერთაშორისო ორგანიზაციის ექსპერტები აზერბაიჯანში ადამიანის უფლებების სამუშაო ჯგუფის მუშაობაში მონაწილეობას აღარ მიიღებენ. ამის შესახებ საბჭოს ოფიციალურ ვებგვერდზე გამოქვეყნებულ განცხადებაშია ნათქვამი.
განცხადების თანახმად, ევროსაბჭოს გენერალურმა მდივანმა ტორბიერნ იაგლანდმა მიღებული გადაწყვეტილების შესახებ აზერბაიჯანის პრეზიდენტს უკვე აცნობა. თანამშრომლობის შეწყვეტის მიზეზად აზერბაიჯანში ვითარების "დრამატული გაუარესება" სახელდება.

„ქვეყანაში, უფლებადამცველთა მიმართ დამოკიდებულება მკვეთრად გაურესდა. ბოლო პერიოდში, გაიზარდა აქტივისტთა დაპატიმრების შემთვევები. ევროსაბჭომ ციხეში მათი ყოფნის მიუღებელ პირობებზე საგანგაშო ანგარიში მიიღო" - ნათქვამია განცხადებაში.

ევროსაბჭოს ექსპერტები, ბაქოში მოქმედ სამუშაო ჯგუფში 2014 წლის ოქტომბრიდან შედიან. აღნიშნულ ჯგუფის წევრები ასევე იყვნენ აზერბაიჯანის მთავრობისა და პარლამენტის წევრები, უფლებადამცველები. სამუშაო ჯგუფის მიზანი, ამიერკავკასიაში სამოქალაქო საზოგადოებასა და მთავრობას შორის დიალოგის ხელშეწყობა იყო. ამ სამუშაო ჯგუფში გაწევრიანებული იყო „რადიო თავისუფლების" აზერბაიჯანული ბიუროს ჟურნალისტი ჰადიჯა ისმაილოვაც, რომელსაც 1-ელ სექტემბერს 7,5-წლიანი პატიმრობა მიუსაჯეს. ბრიუსელში ისმაილოვას დაპატიმრება მაშნვე გააპროტესტეს და აზერბაიჯანის მთავრობას ახალი სამართლიანი სასამართლო პროცესის ჩატარება მოსთხოვეს. ორი კვირით ადრე კი პატიმრობა 2 აზერბაიჯანელ უფლედამცველს, ცოლ-ქმარს ლეილა და არიფ იუნუსებს მიესაჯათ.